ꁱꈭꃀꀉꎓꁵ
ꈺꄂꀕꌠꐥꐨꇆ
ꉘꁮꐻꎵꃲ
ꁦꋠ，
ꌳꈄꀬꅑꇈꉂꏣꁭꇈꀕꌠꁦꋠꀊꋨꂷ
ꐪꆮꂾꃚꅿꉗꌒꐩꀕ
ꊷꆣꀕꌠꉂꐪꌋꆀꌂꐨꆏꉙꃅꆳꇰ
ꅐꁏꅐꆘꏿꌠꈭꑐꀊꋨꏢꇆ
ꆏꆹꈀꄸꑓꁴꄩꉬꂯ？
ꈭꃀꀉꎓꇆ
ꅪꎔꃭꇤꏂꌠꈭꃀꀉꎓ
ꀋꉪꀋꏢꅇꂷꅅꃅꌟꃅꂯꑳꀕꏭꁮ
ꀋꇴꀋꏢꃈꊭꎰꆳꌟꃅꁐꍠꀕꏭꁮ
ꅪꎔꑓꁴꋤꀕꎵꀐꂼ
ꅪꎔꇆ，ꏁꇅꀕꌠꈭꑐ
ꆏꌺꑣꇐꑣ
ꁍꑣꑘꑣꃅꄉꁧ
ꑓꁴꇓꃀꌟꃅꋯꇈꃲ
ꈭꃀꀉꎓꇆ
ꅪꎔꃭꇤꏂꌠꈭꃀꀉꎓ
ꆏꑞꃅꑓꁴꑰꀕꇤꄉꁧꇆ
ꆏꑞꃅꑠꃅꑽꌙꀕꃅꁧ
ꆏꌺꆏꅪꑓꁴꎭꑟꏣꃅꋯꇈꃲ
ꌐꃶꉌꃀꐍꐞꀕꃅꋯꇈꃲ
ꈭꃀꀉꎓꇆ
ꅪꎔꃭꇤꏂꌠꈭꃀꀉꎓ
ꆏꐈꑖꈈꀕꌠꀠꆿꋍꁧꐛꄉꀋꇁꄿ
ꆏꐈꁟꑻꀕꌠꀍꇮꋍꀸꐛꄉꀋꇁꄿ
ꆏꐈꊷꆣꀕꌠꃅꉒꋍꌅꐛꄉꀋꇁꄿ
ꀒ！ꈭꃀꀉꎓꇆ
ꅪꎔꃭꇤꏂꌠꈭꃀꀉꎓ
ꆏꐈꑓꁴꋍꄩꐛꅊꇈ
ꑓꁴ，ꉂꏣꆈꇹꀕꌠꋍꄩꐛꅊꇈ
文章编辑：