ꉌ꒜ꎄꅉ,ꈨꑭꀀꅉ

ꉠꒀꎽꇊ

ꉠꉌ꒜ꈌꄸꉻꁆꌠꅽꃤ

ꌩ꒜ꀉꆹꁧꀊꄶꋦꅊꇈ

ꄸꈐꁮꄵꆰꏮꈥꐨꁮ

ꀊꋨꄹꉇ“ꇙꅊ”ꄷ

ꉠꉌ꒜ꈌꄸꉻꁆꌠꎄꁧ

ꃈꊭꄡꄉꌸꃅꌸ

ꌌꁧꌐꌠꌡ

ꉠꒀꎽꇊꒀꎽ

ꆏꂾꌩꊪꆹꅊꇈ

ꌩ꒜꒜ꐛꋃꐛꌐꑴꇬ

ꑋꈌ꒿ꏦꏦꄮꀐ꒜

ꌩꏀꌩ꒜ꉌ꒜ꇬꅿꁯꇙꆹꎂꎂ

ꒀꎽꇊꒀꎽ,ꉠꅿꒀꎽ

ꆅꌠꈻꌠꁳꈢꋒꁧꎻꇊ

ꑋꆳꀃꈈꁉꁉꉪꉚ

ꁉꌠꆏꂿꇁꅉꈫ

ꒀꎽꇊꒀꎽ

ꀀꇷꀂꄙꌶ,ꉌ꒜ꉀꄐꌶ

ꈊꄮꆈꋧꋪꄮꇬꆏꎺꉢꄀꂸ

ꉣꑊꐮꐊꎹꅊꈨꑭꉜꁧꂿ

ꉌ꒜ꎄꅉꀊꄷꍈ

ꈨꑭꀀꈉꃅꎻꇊ

ꀀꈉꃅꎻꂿ... ...