ꆫꃀꆫꌺꄓꌊꆫꁍꇭꋓꑌꄮꇬ

ꉘꁮꀉꂿꂣꈐꀀꑴꌦ

ꆫꃀꑳꅝꃅꇴꑪꄹꃅꃴꏹꇬꎷ

ꆫꌺꏮꇊꑌꑿꉜꌦ

ꏮꇊꆫꃀꑳꅝꃅꇴꉜꌦꃅ

ꀋꋒꀋꉪꃅꊨꏦꑴꅉꑌꃅꃴꉜꄉꏹꌟꃅ

ꌙꈈꀕꌠꃅꑍꃅꉖ

ꒀꃀꑾꌺꑭꁆꇂꃴꈴꁧꌠ

ꎆꆫꀉꁌꌊꌋꆹꀋꐚ

ꒀꃀꑾꌺꉐꆂꍑꒉꇱꋌꐍꊭꀕ

ꆫꊿꉌꃀꐍꊭꀕ

ꆫꌺꇁꌊꆫꃀꂣꈐꑌ

ꎵꑳꀕꌠꀉꁌꁮꅉꈧꌠꑳꅝꃅꇴꅿ

ꆫꌺꉪꇬꆫꃀꑴꅉꑌꌧꌐꀋꉆꌠꁮꅉꂷꉬꋭ

ꑋꈌꃅꆳꌟꃅꆲꌙꀕꇬꎷ

ꆫꌺꁮꅉꈏꄉꀄꂻꐺꅊꇈ

ꉘꁮꏮꁧꄮ

ꑌꑿꂴꆽꐊ

ꑌꑿꑭꐪꀋꃷꎵ

ꃄꅉꀴꊪꋬꇙꀕ

ꆫꃀꆫꌺꊂꏭꈹ

ꎆꆫꈝꃀꃰꊿꑓꏣꎵꀋꋌ

（ꑷꈐꃆꄔꏁꇉꀕꃅꐞ）