主编 曲木尔足

 

图书简介：

　　该书为西昌学院“质量工程”资助出版系列教材之一。

 

ꉉ ꀽ
 

  ꆈꌠꅇꂷꁱꂷꌬꂘꑘꆹꋍꑍꋍꉙꃅꀻꎆꆹꇬꎷ，ꄚ，ꅇꂷꁱꂷꌬꂘꑍꀻꎆꌠꇢꊭꇬꆏ，ꃅꇬꀋꑟꅉ、ꃅꐛꀋꒆꅉ、ꃅꐛꀋꐛꅉꋋꈨꀉꑌꃅꐥꑴꌦ，ꅺꌡꄉꉉꇬ，ꉪꀒꎂꑪꑼꆀꉙꁰꁱꑪꑼꌶꅉꇬꆈꌠꅇꂷꁱꂷꌬꂘꑘꋌꐘꃅꌠꃅꐎꑍꊏꈎꎖꐛꀐꇬ，ꂘꅍꄯꒉꀉꑌꃅꀋꇎꑴꌦ。ꉪꆹꌶꅉꀊꂥꊐꌠꇬꆈꌠꅇꂷꁱꂷꂘꑘꈉꐨꇬꈴꄉ《ꆀꉙꁱꇐꁰꍋꂘꃆ》ꋌꋐꁰꄻꌠ。
 

  ꂘꅍꄯꒉꋌꋐꆹꐚꃮꃅꏸꁰꄻꄉꌠ《ꆀꉙꁱꇐꂘꃆ》ꋐꌠꌌꅉꃀꃅꄉꇈ，ꉈꑴꐧꌶꅉꀊꂥꊐꌠꃤꆈꌠꅇꂷꁱꂷꋐꌠꇬꐊꌠꁱꇐꈨꑌꏓꄻꇬꇯꄉꁰꄻꎼꇁꌠ。ꉪꊇꆹ《ꆀꉙꁱꇐꂘꃆ》ꋐꌠꁰꄻꊿꁥꌠꌋꆀꐧꌶꅉꀊꂥꊐꌠꃤꆈꌠꅇꂷꁱꂷꋐꌠꁰꄻꊿꈧꌠꏭꈀꎭꀕꀐ。ꄯꒉꈐꏭꁱꐨꈧꌠꆹꉜꐨꐮꀋꐊꈧꌠꉈꃰꄀꄉꇬꑌ，ꀉꁁꀋꇎꀋꂪ，ꐛꀋꒆꅉꑠꉉꄻꀋꅐꃅꐋꑴꌦ，ꉪꊇꉘꇉꌠꆏ，ꂘꃀꌶꌺꈧꌠꉘꉩꄡꑌꉜꐨꐯꀋꐊꌠ，ꐛꀋꒆꅉꌋꆀꆹꑽꆹꀠꅉꈧꌠꄐꌐꎼꇁꄉ，ꉪꆀꇐꁱꇐꃆꂮꌧꇐꆏꀊꅰꃅꐊꐙ、ꐛꒆꆹꎻꂿ。
 

  ꂘꅍꄯꒉꋌꋐꆹ，ꉪꂘꃀꈍꑋꑼꊋꏓꄉꁰꄻꎼꇁꌠ，ꁱꐨꋋꈨꇢꊭꇬꋍꊱꀕꌠꅑꑍꊱꀕꌠꆏꒉꉗꏣꈬꊥꇬꄉꋊꍬꁰꄻꄉꌠꉬ；ꌕꊱꀕꌠꅑꇖꊱꀕꌠꆏꀉꑗꃇꎓꊥꇬꄉꋊꍬꁰꄻꄉꌠꉬ；ꉬꊱꀕꌠꅑꃘꊱꀕꌠꆏꄓꂱꑳꊥꇬꄉꋊꍬꁰꄻꄉꌠꉬ；ꏃꊱꌠꅑꈬꊱꀕꌠꆏꉼꄏꑳꊥꇬꄉꋊꍬꁰꄻꄉꌠꉬ，ꈬꊱꀕꌠꅑꊰꊱꌠꆏꂼꑦꑳꊥꇬꄉꋊꍬꁰꄻꄉꌠꉬ，ꊯꊪꊱꌠꅑꊰꉆꊱꌠꆏꐊꂾꇐꊥꊥꇬꄉꋊꍬꁰꄻꄉꌠꉬ，ꋊꍬꁰꄻꌐꈭꐨꐊꂾꇐꊥꌌꋍꃢꋊꍬ、ꄻꀱꇈꁱꐛꄉꌠ。
 

  ꉪꄯꒉꋌꋐꋊꍬꁰꄻꌋꆀꍑꅐꌠꇢꊭꇬꆏ，ꑾꌋꈤꊿꋅꌶꅉꂘꃀꐚꃮꃅꏸꌧꃀꌋꆀꌧꍧꌜꆈꌠꁱꂷꂘꅍꄯꒉꁎꆦꅉꏦꃈꐭꏤꋋꈨꀉꒉꃅꉈꇬ，ꇇꀤꀐ，ꉪꃶꐚꃅꋀꏭꈀꎭꀕꀐ。

 

                                    ꁰꄻꊿ

                                    2013ꈎ10ꆪ20ꑍ

 

ꎹ ꀨ：

 

ꋍꐕꌠ ꁱꇐꁰꍋꅉꃀꌧꇐ

ꋍꊱꌠ ꀑꐱꉉꍣ

ꑍꊱꌠ ꁱꅍ

ꌕꊱꌠ ꁱꀽꐨ

ꇖꊱꌠ ꁰꏦ

ꉬꊱꌠ ꁱꁈ

ꃘꊱꌠ ꁱꇐꄺꀱ

 

ꑍꐕꌠ ꈨꏀꐨꐊꌠꁱꇐꁰꍋ

ꏃꊱꌠ ꈨꅇ

ꉆꊱꌠ ꅇꈴ

ꈬꊱꌠ ꄜꉺꃆꃀ

ꊰꊱꌠ ꈨꏀꐨꐥꌠꁱꇐꀘꎥ

 

ꌕꐕꌠ ꃆꃀꁱꇐꁰꍋ

ꊯꊪꊱꌠ ꉙꇐꁱꇐ

ꊰꑋꊱꌠ ꌧꈿꁱꇐ

ꊯꌕꊱꌠ ꉌꐡꁱꇐ

ꊯꇖꊱꌠ ꑵꑫꁱꇐ

ꊯꉬꊱꌠ ꄆꒌꄆꁱꀕꇐ

 

ꇖꐕꌠ ꈋꍣꐨꐊꌠꁱꇐꁰꍋ

ꊰꃘꊱꌠ ꈋꍣꁱꇐ

ꊰꏁꊱꌠ ꃆꃀꈋꍣꁱꇐ

ꊯꉆꊱꌠ ꌧꃆꈋꍣꁱꇐ