当  代  彝  文  文  选

诗  歌  部  分

      （共六篇课文）

꒔ꊱꌠ
     ꒜ꌠꉼꉹꄺꂷ
 ·ꐛꄃꂶꏦ·

1、ꂘꌷꑞꅉ（教学目的）：

（1）、꒿ꇐꋋꊱꌷꈭꐨꀋꉬꀋꉆꌠꆏ꒜ꌠꉼꉹꄻꂶꌠꇬꈴꄉꉪꆈꌠꋋꁯꐥꐨꐛꒌꌡꁱꌠꁰꄟꌷꇇꈐꊐꌶ。

（2）、ꌷꊱꋋꊱꌡꁱꄟꇬꈴꄉ，ꑭꋧꃅꑍ꒜ꑍꆈꌠꌺꇖꐥꐨꆫꍰꌠꑌꋓꉪꁨ。

（3）、ꀊꐯꈭꃅꃼꍔꄉꁱꌠꆹꁱꇐꋋꊱꀋꉬꀋꉆꌠꉬ。

（4）、ꁱꇐꁰꄟꋽꇐꑞꈨꌬꀐꌠꊨꄅꌶ。

2、ꂘꌷꐊꇐ（教学内容）：

（1）、ꃚꋊꄉꁱꇐꌌꀘ，ꁱꇐꈐꏭꉪꆈꌠꋋꁯꐥꐨꐛꒌꀋꉬꀋꉆꌠꆹꑞꈨꉬꌠꊨꄅ。

（2）、ꅇꋲꏓꈹꐯꇯ，ꀒꁨ꒔ꁘꃅꅇꋲꄜꇐꐝꈯ。

（3）、ꁱꊱꅿꁱꃆꋽꇐꎥꃪ，ꀋꉬꀋꉆꌠꆏꉪꆈꌠꋋꁯꐥꐨꐛꒌꌡꁱꄟꌷꇇꈐꊐ。

（4）、꒿ꇐꆹꈍꃅꁱꄡꑟꌠꎔꃅꎥꃪꇈ，ꌶꌺꄐꂘꄉꁱꈩꃅꎻ。

3、ꂘꌷꀋꉬꀋꉆꌠꌋꆀꊋꋠꐨꐥꌠ（重点难点）：

    ꁱꇐꈐꏭꉪꆈꌠꋋꁯꐥꐨꐛꒌꌡꁱꄟ，ꀊꐯꈭꃅꃼꍔꄉꁱꌠꏡꁈ，ꅇꇐꉏꑳꏡꁈꀊꏀꉌꈲ꒿ꇐꇬꄉꌷꌊꇁꈧꌠ。

4、ꂘꌷꄮꈉ（教学课时）3ꂷꈁ。

5、ꂘꌷꈳꏦ（教学过程）

（1）、ꁱꊿꃆꂮꉉꈻ：ꐛꄃꂶꏦꆹ1961ꈓ6ꆪꇬꒆꌠ，ꀋꃅꇩꏤꁱ꒜ꑠꉼꎼꏹꍵꇬꎿꏹꃅꄉ，ꇩꏤꌠꏀꆃꉼꃛꍗꑮ，ꇩꏤꑭꊂꂒꋦꌠ꒿ꇐꁱ꒜ꂷꉬ。ꋌꉌꈲ꒿ꃅꁱꄉꌠ꒿ꇐꄯꒉꆹ《ꉘ꒜ꉂꐪꑵ꒿》《ꂻꉪꏽꌠꆈꌠꂷ》《ꇊꂷꉘꁮ》《ꀋꎺꂯꌠꅇ》《ꐛꄃꂶꏦ꒿ꇐꌋꄉꌠ》ꃅꑠꀉꑌꋐꅐꋺ，꒿ꇐꄹꁆꆹꊿꁏꌊꉋꄅꇩꏤ꒿ꌞꇩꏤꇬꑌꑟꁧꀐ，꒔ꊐꋑꀋꋓꌠꈁꁠꑌꀉꑌꃅꊌꋺ。

（2）、ꑭꋧꃅꁱꇐꎥꃪ：

꒔ꊙꌠꆏ：꒜ꌠꎷꋩꇁꄵꂾꃚꑵ꒿ꌡꄷꄜꋊ。

ꑍꊙꌠꆏ：꒜ꌠꇇꑇꍕꐛꋓꌠꌌ꒰ꆨꒊ꒜ꃚꋒꅺꌡꄉꁱ。

ꌕꊙꌠꆏ：ꉜ꒰ꅐꇇꌌꉼꉹꅐꇇꅺꌡꄉꄜꎼꇁ。

ꇖꊙꌠꆏ：ꊴꁮꅏꅐꂾꃚꆹꆈꌠꃚꋒꉬꄷꄜꋊ。

ꉬꊙꌠꆏ：ꊴꁮꅏꅐꉂꐪꑵ꒿ꂢꇁꈤꀋꉆꌠꄜꋊ。

ꃘꊙꌠꆏ：ꊴꁮꂾꃚꑍꆏꉂꐪꑍꄷꌠꄜꋊ。

ꏃꊙꌠꆏ：ꊴꁮꅏꅐꂾꃚꀎꋏꉂꐪꄙꇁꃪꃅꐊꄉꋧꃅꈨꈴꄷꌠꄜꋊ。

ꉆꊙꌠꆏ：꒜ꌠꈤꉆꊴꁮꂾꃚꉂꐪꈤꀋꉆꄷꌠ

（3）、ꁱꇐꅿꈯꄔꄜꇐ：꒿ꇐꋋꎴꆹꀉꁌꉼꉹꄻꑠꂷꇬꈴꄉꉪꆈꌠꐩꋊꇯꀋ꒜ꌠꁱꌠ，ꉪꆈꌠꐥꐨꐥꄸꀊꐯꈭꃅꋌꌡꁱꄉꇈ，ꁱꊿꅿꊿꋅꉂꐛꄇꇖꀕꃅꌧꉆ，ꉪꆈꌠꅿꉂꐨꌂꏣꑌꉜꅐꇁꉆ。

（4）、꒿ꇐꁱꃆꋽꇐ：꒿ꇐꋌꁬꆹꉌꈲ꒿ꃅꁱꄉꇈꆦꄉꌠ，ꑠꃅꄉꅇꇐꉏꑳꄟꇬꉪꆈꌠ꒿ꌌꁱꌠꌋꆀꊼꇅꐮꀋꌡꀕꃅꐙ，ꁱꊿꐛꒌꒃꉇꄉꁱꌠꑌꍔꐯꃅꐙ，ꎔꃅꀱꇊꀱꄉꉜꀘꑲꆀ꒔ꑭꋧꄜꇐꐝꈯꄎꌠꉬ。

6、ꌷꉈꁱꃅꉪꏡ（课后作业）：

（1）、꒿ꇐꋋꎴꄜꇐꐛꒌꑞꈨꌡꁱꀐ？

（2）、꒿ꇐꋋꎴꁰꄟꊼꇅꉉ。

（3）、꒿ꇐꋋꎴꀋꉬꀋꉆꌠꆹꈻꇐꑞꈨꁱꌠꉬ？

ꑍꊱꌠ
      ꃅꃤꄮꇬ，ꉢꎺꉠꀉꂿꄀ 
      ·ꃺꃼ·

1、ꂘꌷꑞꅉ（教学目的）：

（1）、꒿ꇐꋋꊱꌷꈭꐨꀋꉬꀋꉆꌠꆏꁱꊿꈍꃅꄉꀉꂿꉂꐪꌡꁱꌠꌷꇇꈐꊐꌶ。

（2）、ꌷꊱꋋꊱꌡꁱꄟꇬꈴꄉ，ꋓꉪꁨꄉꑭꋧꃅꆈꌠꃅꄷꀉꂿꐥꐨꆫꍰ。

（3）、ꐛꒌꀉꑌꈚꇬꈴꄉꁱꌠꆹꁱꇐꋋꊱꀋꉬꀋꉆꌠꉬ。

（4）、ꁱꇐꁰꄟꋽꇐꑞꈨꌬꀐꌠꊨꄅꌶ。

2、ꂘꌷꐊꇐ（教学内容）：

（1）、ꃚꋊꄉꁱꇐꌌꀘ，ꁱꇐꈐꏭꉪꆈꌠꃅꄷꀉꂿꐥꐨꐛꒌꀋꉬꀋꉆꌠꆹꑞꈨꁱꌠꊨꄅ。

（2）、ꅇꋲꏓꈹꐯꇯ，ꀒꁨ꒔ꁘꃅꅇꋲꄜꇐꐝꈯ。

（3）、ꁱꊱꅿꁱꃆꋽꇐꎥꃪ，ꀋꉬꀋꉆꌠꆏꆈꌠꃅꄷꀉꂿꐥꐨꐛꒌꈍꃅꌡꁱꌠꌷꇇꈐꊐ。

（4）、꒿ꇐꆹꈍꃅꁱꄡꑟꌠꎔꃅꎥꃪꇈ，ꌶꌺꄐꂘꄉꁱꈩꃅꎻ。

3、ꂘꌷꀋꉬꀋꉆꌠꌋꆀꊋꋠꐨꐥꌠ（重点难点）：

    ꁱꇐꈐꏭꉪꆈꌠꃅꄷꀉꂿꐥꐨꐛꒌꌡꁱꄟ，ꐛꒌꀉꑌꈚꇬꈴꄉꁱꌠꆹꁱꇐꋋꊱꐋꀋꌡꄟꉬ，ꅇꇐꉏꑳꏡꁈꀊꏀꉌꈲ꒿ꇐꇬꄉꌷꌊꇁꈧꌠ。

4、ꂘꌷꄮꈉ（教学课时）3ꂷꈁ。

5、ꂘꌷꈳꏦ（教学过程）

（1）、ꁱꊿꃆꂮꍈꉉ：

（2）、ꑭꋧꃅꁱꇐꎥꃪ：ꂿꃅꈊꇁꇬꆏꁱꊿꉷꃅꐥꄉꉌꂵꁏꇁ，ꀉꂿꉂꇁꄉ“ꀉꂿꐛꒌ”ꉌꂵꀂꏽꑌꇁ；ꀉꂿ꒧ꃅꃤꑽ、ꎭꃆꎭꂮꌡꁱ；ꀉꂿꎭꇁꅧꌠꆹꌻ꒧ꎁꃅꈭꀺꈛꀺꌠꄜꋊ；ꀉꂿꌻ꒧ꎁꃅꑅꅐꊋꆜꌠꆹꃅꇏꒈꂃꒊꆱꄓꌠꌻ꒧ꎺꇊꐝꄧꀕꌠꄜꋊ；꒜ꑌꌺꉂ，ꌹꑌ꒜ꉂꌠꉂꏣꃆꄔꌟꃅꊷꆣꀕꌠꄜꋊ。

（3）、ꁱꇐꅿꀑꐱꄜꇐ：꒿ꇐꈐꏭꀉꂿꉂꏣꁰꄟꆹꁱꇐꀉꁁꌋꆀꐮꀋꌡꌠ；ꁱꇐꄜꅐꇁꌠꆹꀋ꒜ꀉꌺꉂꏣꅶꇺꀕꌠꀉꄂꀋꉬꃅ，ꀎꋏꊂꋊꇢꊭ、ꐧꇁꃰꊿꇫꐥꌠꐮꏯ、ꃰꊿꌋꆀꋌꐛꄮꐽꑠꀉꑌꁁꏯꈤꇁꀋꉆꌠꉂꏣꑌꁱꑲꀐꌠꉜꅐꇁꉆ。

（4）、꒿ꇐꋋꊱꁱꃆꋽꇐ：꒔ꍈꌠꆏꁱꊿꂴꆽꋦꈭꌡꁱꄉ，ꉜꀘꊿꑌꀋꌋꀕꃅꁱꊿꐊꄉꉌꂵꁏꇁ；ꑍꍈꌠꆏꀉꂿꃅꐨꑽꑌꇬꈴꄉꀉꂿꐛꒌꌡꁱ，ꅇꇬꑭꋧ，ꊽꉌꂵꃹꃅꐙ；ꌕꍈꌠꆏꁱꊿꀉꂿꑆꊋꀱꂯꇬꅇꇬꊒꀕꃅꀋꉉꃅ，ꉜꊿꁳꀅꌳꃅꉪꇎꃅꉪꆹꎻ。

6、ꌷꉈꁱꃅꉪꏡ（课后作业）：

（1）、ꀉꂿꐛꒌꈍꃅꐙꂷꅽꉌꂵꇬꑌꇁꌠꊼꇅꌧꁇ。

（2）、ꁱꇐꀉꂿꉂꏣꇬꈴꄉ，ꉂꏣꀊꐯꈭꃅꐙꌠꌡꁱꀐꌠꌧꉆ，ꀉꁁꉂꏣꑞꈨꉜꅐꇁꉆꑴꌦꌠꄜꅐꇁ。

（3）、꒿ꇐꈐꏭ：“ꀉꂿꇆ，ꆏꂾꒉꇸꆹꅊꇈ/ꀆꐒꇸꈤꇀꂡꇫꀋꐥꑴꇬ/ꂿꃅꈊꅉꇀꅉꑟꀐꂼ”ꃅꋋꊭꋽꇐꌋꆀꄜꐨꋋꑍꁁꏯꑞꐥꌠꑭꋧꃅꄜꋊꎼꇁ。

（4）、꒿ꇐꋋꊱꇫꀕꌋꆀꄽꂫꐮꄏꐨꑞꐥꌠꉉꎼꇁ。 

ꌕꊱꌠ
  ꋪꀕꁌꃴꉂꅇꑟꅅ
  • ꆈꀜꃅꇫ•

1、ꂘꌷꑞꅉ（教学目的） ：ꌷꊱꋋꊱꌷꈭꐨ꒔ꍈꌠꆏ“ꋪꀕꁍꃴ”ꋌꈚꆹꉪꆈꌠ꒔ꏅꑞꃅꌌꉉꇬꎷꌠꃄꂓꈚꉬꌠꊨꄅꌶ，ꑍꍈꌠꆏ꒿ꇐꁱꇬꆏꎔꃅꊿꋅꌧꇐꁰꀕꇬꑌꑲꄉꁱꌶ，ꑠꃅꑲꆀꉂꏣꃹꅼꇁꄎꌠ。

2、ꂘꌷꄮꈉꆹ（教学课时） 3ꂷꈁꌠ。

꒔、ꁱꊿꃆꂮ（作者简介）：

ꆈꀜꃅꇫ：ꆈꌠ  ꌺꃰ   ꑝꅇꊾꒆꌺ ꀋꃋ45ꈎꌠꐥꀐ，1983ꈎꑿꌊꈤꊿꋅꌶꅉꇬꌷꅐꇈꁸꌫꀒꎂꂘ꒜ꌶꅉꇬꂘ꒜ꃅ，1989ꈎꀒꎂꂘ꒜ꌐ꒧ꌶꅉꆀ꒿ꑮꋉꐛꇬꆏꄚꌌꄚꇬꂘ꒜ꃅꇁ，ꀋꃋꄚꇬꏫ꓂ꃅꄉ，ꋌꌶꌺꂘꋒꌠꀉꄂꀋꉬꃅ，ꉈꑴꆈꌠꌧꇐꁱꃆꂮꎥꃪꇬꑌꊌꐨꀉꒉꃅꐥ，ꄷꀋꁧꆈꌠꌳꈄꀋ꒜“ꍜꇰꀊꇐ”ꎥꃪꁁꏯꂱꎆꅑꄉ，ꊿꌌ“ꍜꇰꀊꇐ”ꌧ꒜ꃅꄉ。

ꑍ、ꅇꀨ“ꋪꀕꁌꃴ”ꃆꂮ：

꒔ꍈꌠꆏ“ꋪꀕꁌꃴ”ꄷꋌꈚꆹꉪꊇꇬꂾꀄꊭꃅꇬ，꒜ꌠꀿ꒜ꀕꐚꄮꇬꌌꇫꎭꁧꄹꉇꃅꄜꇁꂯꄉꇬꆏꂛꊨꃺꑌꊈ“ꈭꂘꈜꂘ”ꄷꑠꊱ꒿ꑟꃅ，ꋋꇅꇬꆏ，꒜ꐚꀐꌠꀿ꒜ꒌꆠꆏꏃꎭꌊꆏ“ꋪꀕꁌꃴ”ꎭꑟꃅ，ꋋꆹꉪꇬꂾꃢꌠ“ꋪꀕꁌꃴ”ꄷꋌꈚꃆꂮꐝꈯꌠ；ꑍꍈꌠꆏ，ꉪꊇ《ꅺꊈꄯꒉ》ꌶꄮꇬ，ꄚꈐꏭ“ꋪꀕꁌꃴ”ꄷꃄꂓꋋꂷꆹꉪꇫꋒꌥꌠ，ꋋꆹ“ꅺꊈ”ꇬꃄꂓꀋꉬꀋꉆꐯꀋꉬꀋꉆꂷꉬ；ꌕꍈꌠꆏ，“ꋪꀕꁌꃴ”ꋌꈚꆹꉪꆈꌠꋥꎆꅉꉬꄷꄉ（ꉪꆈꌠꆹꋪꀕꁍꃴꄉꋥꎆꇁꌠ。ꁍꁇꋦꁍꋌꈚꇬ，ꀃꌋꀊꆨꆈꌠꏱꉻꇩꏤꂷꄻꐛꋺꑴꄷ）。ꉪꆈꌠ꒔ꏅꌧꅍꐥꌠꆏꃅꂓꋌꈚꇬꃆꂮꁱꇐꀉꑌꈨꁱꋺ，ꆏꑴꌠꑭꋧꃅꁱꇐꋋꈨꎹꈹꄉꉜꀘꒉ。

ꌕ、ꑭꋧꃅꁱꇐꎥꃪ（课文分析）：
1、꒔ꊙꊘꌠ：

（1）、ꇬꂾꇖꇬꌠꁱꊿ꒿ꇐꋋꊱꁱꌠꀑꐱꉉꀽ，ꄚꇬ“ꀉꌦꀉꌋꀕ”ꄷꋋꇬꆏ“ꋪꀕꁌꃴ”ꋌꈚꀉꁁꌋꆀꐮꀋꌡꌠꉉꀽꀐ。

（2）“ꉢꊌꂿꌠꆹ”ꂴꋋꇬꆏ“ꋦꈭ”ꆈꌠꋊꃅꉜꐨꇬꀋꀀꉈꉩꀕꌠ“ꉎꆹꁧꐙꑿꉘꌒ，ꐰꆹꐦꐛꍯꊪꌒ”ꑠꈚꌡꁱꀐ。

（3）“ꉢꊌꂿꌠꆹ”ꊁꇬꌠꆏꐧꋦꄮꐽꃅꊿꐥꌒꃅꀊꄶꇬꐥꌠꃆꂮꌡꁱ，“ꌺꃰꉆꈹ，ꅩꃰꑱꍹ”ꀋꋦꉈꉩꀕ。

（4）“ꃅꇗ꒔ꑍꆏ”ꄷꋌꈚꇬꄉꁱꇐꈪꏮꀐ，“ꉺꁮꄏ、ꑱ꒜ꆗ、ꋥꎆꃄꇖꄹꊂꑟ”，ꋋꆹꉪꆈꌠꀀꁘꑋꐞꂱꄷꒉꌠꌡꁱꀐ。

2、ꑍꊙꊘꌠ：

（1）ꅇꇬꂾꑍꇬꌠꆹꂴ꒔ꊙꊘꌠꇬꌋꆀꎑꁠꂯꌠ，ꑠꃅꇬꆏ꒿ꇐꂴꊂꐮꐊꐙꃅꐛꇁ。

 （2）ꁍꁇꐰꇑꂂꄉ，ꆈꌠꋥꎆꀐ，ꋥꎆꌊꈍꃅꐙꆏ： “ꀉꇐꑵꃚꉼꏒꀕ、ꆀꌺꉂꅇꋧꃅꐛ、ꏱꉻꏃꂷꋉꐛ、ꆈꌠꑵ꒿ꃰꃅꇓꈓꐛ、ꆈꌠꁱꂷꃄꇖꄹꊂꐛ”

3、ꌕꊙꊘꌠ：

（1）ꂴꆏꉪꆈꌠꀊꆨ“ꌁꆣꋺ、ꐞꄿꋺ”ꌠꌡꁱ，ꋋꆹꐩꋊꇬ꒔ꊭꉬ，ꄚ，ꋌꊂꆏꊼꇅꊿꋅꀉꁁꈧꌠꊂꊰꌠꁱꊿꉌꂵꐛꀋꐛꅉꑌꄇꇖꀕꃅꌧꉆ。

（2）ꊁꆏꁱꊿꉘꇉꐨꁱꀐ，ꋋꆹ“ꈄꋊꈄꌺꆈꌠ”ꋋꁯ“ꌀꄝꏥꂳꀕꌠꐈꃢꃅꈚꎔꐛ”，꒔ꏅꃅꌣꈚꇀꎂꀕꄷꌠ。 

ꇖ、ꁱꇐꁰꄟꋽꐪ（艺术特色分析） ：

1、ꑭꋧꋦꈭꌡꁱꌠꌋꆀꀑꐱꉌ꒜ꒌꉪꌡꁱꌠꐮꐊꐙ，ꑠꃅꁱꇬꆏꉜꊿꀘꎼꇁꇬꅇꂷꈥꇬꀕꃅꀋꐙ。

2、ꀊꆨꃆꂮꌡꁱꌠꌋꆀꀋꃋꋋꄮꌡꁱꌠꐮꐊꐙ，ꑠꃅꁱꇬꆏꐩꋊꐂꐨꀊꐯꄉ，ꉜꀘꊿꉪꐨꌐꀋꉆꇁꌠ。

3、ꉌꌒꌠꁱꌠꌋꆀꉌ꒜ꐛꀋꌒꌠꃆꂮꁱꌠꐮꐊꐙ，ꉪꆈꌠꋥꎆꃆꂮꁱꇬꉌꇿꃅꐙ，ꀋꃋꀉꁁꊿꋅꀋꏣꇬꆏꉌꂵꐛꀋꌒꃅꐙ，ꑠꃅꇬꆏꁱꇐꉂꏣꃶꅼꃅꐙꇁ。

ꉬ、ꌷꉈꁱꃅꉪꏡ（课后作业）

（1）ꂴꆏꉪꆈꌠꀊꆨ“ꌁꆣꋺ、ꐞꄿꋺ”ꌠꌡꁱ，ꋋꆹꐩꋊꇬ꒔ꊭꉬ，ꄚ，ꋌꊂꆏꊼꇅꊿꋅꀉꁁꈧꌠꊂꊰꌠꁱꊿꉌꂵꐛꀋꐛꅉꑌꄇꇖꀕꃅꌧꉆ。

（2）ꊁꆏꁱꊿꉘꇉꐨꁱꀐ，ꋋꆹ“ꈄꋊꈄꌺꆈꌠ”ꋋꁯ“ꌀꄝꏥꂳꀕꌠꐈꃢꃅꈚꎔꐛ”，꒔ꏅꃅꌣꈚꇀꎂꀕꄷꌠ

ꇖꊱꌠ
   ꇉ  ꈭ
    ꐚꆫꄀꈬ

1、 ꂘꌷꑞꅉ（教学目的）：ꌷꊱꋋꊱꌷꈭꐨꀋꉬꀋꉆꌠꆏ꒿ꇐꁰꄟꀊꏀꌠꐝꈯꌶ，ꁱꊱꋋꊱꆹꉌꈲ꒿ꇐꁰꄟꀉꑌꃅꉛꌬꀐꑠꊱ，ꉌꂵ꒧ꊐꄉꁰꄟꀊꏀꋋꈨꌷꐛꅊꇈ。

2、ꂘꌷꄮꈉ（教学课时）2ꂷꈁ。

꒔、ꁱꊿꃆꂮ（作者简介）：

ꇢꇑ꒜ꁧꊾꒆꌺ  ꇬꂾꆹꐧꌶꅉꇬꂘ꒜ꂷ  ꆈꌠ꒿ꇐꀊꏀꌠꀉꑌꃅꁱꋺ  ꒔꒿ꇐꆏꉌꈲ꒿ꇐꁰꄟꇬꀉꑌꃅꉛꌬꄉ，ꀘꎼꇁꇬꊼꇅꑭꋧꃅꉪꏡꄻꅐ，1992ꈓꆏꄀꌌꆃꎭꍏꂘꇐꎥꃪꅉꇬꌤꃅ   1993ꈎ꒜ꐚ。

ꑍ、ꌷꂾꌐꀺ （讲解提示） ：

꒿ꇐꋋꊱꆹꊼꇅꎔꃅꎥꃪꄻꅐꑠꊱ，ꄚꇬꀊꆨꏃꃅꒊꊝꂋꌠꇬꉉꈻꌠꅇꇬꑌꐊ，ꉇꑴꊼꇅꌧꊋꌠ“ꄙꇤꇉꈭꇉꇍꐊ”ꄷꌠ，“ꇉꅐꇉꂪꀊ꒰ꌠꀊꅪꌠ，ꆳꄡꁁꀉꆈꌠ”꒿ꑊꋋꈨꆹꑞꄜ，ꊿꊯꑻ꒿ꀍꋋꊱꉜꇬꉪꐨꊰꑵꐥꇁꏭꐛ，ꑠꅹ，ꉪꂘ꒜ꌶꌺꐯꇯꎔꃅꌷꊱꎥꀘꄻꅐ。

ꌕ、꒿ꇐꀑꐱꎥꃪ （课文分析） ：

1、꒿ꇐꋋꊱꆹꁱꊿꉌꈲ꒿ꇐꁰꄟꇬꈴꄉꁱꌠ，ꑠꅹ，ꉪꆈꌠꋊꃅꐥꇈꌠ꒿ꇐꁰꄟꌋꆀꐮꀋꌡ，ꊼꇅꌧꊋꃅꐙ，ꄚ꒔ꊙꊘꌠꇬ“ꇉꅐꀊꅪ、ꇉꂪꀊ꒰、ꆳꄡꁁꀉꆈ”ꌠꆹꁱꊿꉌ꒜ꉗꀍꅩꍅꅈꃅꐙꄷꌠꌡꁱꌠꉬꋭ，“ꎿꅔꎹ”ꌠꆹꁱꊿꌤ꒧ꀊꏀꎹꌠꄜꋭ。

2、ꑍꊙꊘꌠꇬ“ꇉꈐꃨꁯ、ꌩꆧ、ꏜꆧ、ꃅꇴ”ꋋꈨꁱꌠꆹꁱꊿꌤ꒧ꀊꏀꎹꆹꀊꉗꀋꐛꑴꌦꄷꌠꌡꁱꀐꌠ，ꉇꑴ꒔ꍈꌠꆏ，ꁱꊿꉌ꒜ꊷꆣꀕꑴꌦ，ꊋꑌꏡꑌꃅꐙꑴꌦ，ꉘꇉꅍꀉꇨꃅꐥꑴꌦꄷꌠꄜꅐꇁꀐ。

3、“ꀉꑳꇷꀠꑍꍈꌠ”ꄜꇐꆏ꒔ꍈꌠꆏꀉꑳꆹꊂꏭꊫꂫꀊꎴꑴꌦꄷꌠ，ꑍꍈꌠꆏ“ꇉꅐꅑꌠ、ꃆꇭꌡꌠꑴ”ꌠꆹꀉꑳꑍꍈꌠꉌ꒜ꉘꇉꅍꄇꇖꀕꃅꁱꅐꇁꀐ，ꉇꑴꀉꑳꋋꑍꍈꉌꌤꏭꃅꐙꌠꑌꉜꅐꇁꉆ。

4、“ꇉꉈꏭꎿ꒜ꒊꆚꄄꍅꀕ”ꌠꆹꁱꊿꌤ꒧ꀊꏀꃅꂯꇬꊋꋠꅍꀉꇨꃅꐥꌠꌡꁱꀐ，“ꁭꅐꁮꐚ、ꒈꃶꒈꂪꊨꀋꄅ”ꄷꌠꆹ，ꁱꊿꌤ꒧ꉈꈽꄮꇬꀑꃶꅲꆅꌠꉉꄜꀐ，ꄚꈍꃅꄿꂿꊋꐛꇀꎂꀕꌠꆹ“ꇉꈭꇉꇍꐊꌠꅐꇤ”ꂶꌠꇬꄉꌧꉆ，ꁱꊿꅐꇤꂿꇬꆏꊋꑌꇁ，ꀒꁨ꒔ꁘꃅꊋꇤꄉꉈꈽꆹ。

5、ꄽꂫꋋꊙꇬꆏ，ꁱꊿꏃꃅꒊꊝꂋꌠꀊꆨꁮꅉꌌꅺꌡꄉꆚꇬ，ꀊꆨꑠꃅꊋꋠꇬꇯꉪꆈꌠꌺꇖꇫꋦꇈ，ꀃꑍꋋꄮꆹꈍꃅꑌꌤꃅꊋꐛꌠꄷꈐꊟꊋꊡꀐ，ꑠꃅꄉꁱꊿ“ꇉꈭ”ꌊꊋꑌꏡꑌꃅ“ꌅ꒿ꇓꑎꁧꄩꉜꄉꆹ”，ꂫꍅꊋꑌꏡꑌꃅꐙ。

ꇖ、ꌷꉈꁱꃅꉪꏡ（课后作业） ：

1、ꁱꇐꋋꊱꆹꉻꃯꉪꏦꌌꌬꄉꁱꎼꇁꑠꊱ，ꆏꑴꌠꉌꈲ꒿ꇐꋌꌟꃅꁱꑠꊱꎹꌊꀘꇈ，ꊌꐨꑞꐥꌠꁱꎼꇁ。

2、ꁱꇐꋋꊱꆹꌤ꒧ꀊꏀꀺꌠꌌꇉꇵꌠꌡꄉꁱꅐꇀꊱ，ꄚꑍ꒜ꑍꌷꐋꊈꇉꇵꇬꑞꈨꋒꋺꌠꊼꇅꉉꁱꉏ。

3、ꉪꌷꐋꊈꌤ꒧ꀊꏀꀺꌠꆹꌌꉇꑴꀉꁁꊵꑵꌡꄉꁱꉆꀕꑴꌦ，ꆏꑴꌠꎔꎗꃅꉪꏡꇈ，ꁱꇐꊱꁱꎼꇁ。

ꉬꊱꌠ
  ꀉꇐꒌꈎ 
    ·ꃺꃼ·

1、ꂘꌷꑞꅉ（教学目的）：

（1）、꒿ꇐꋋꊱꌷꈭꐨꀋꉬꀋꉆꌠꆏꀉꇐꒌꆹꌌꑞꅺꌡꄉꁱꌠꉬꌠꐝꈯꌶ。

（2）、ꌷꊱꋋꊱꈁꌡꁱꌠꌋꆀꑍ꒜ꑍꉪꆈꌠꌺꇖꐥꐨꇬꑌꑲꄉꑞꃅꀉꇐꒌꈎꄻꅐꌠꉪꏡ。

（3）、ꐩꋊꁮꅉꇬꌋꆀꆈꌠꁡꇤꃶꐚꐥꐨꇬꃅꑌꑲꄉꁱꌠꆹꁱꇐꋋꊱꄞꅐꅉꉬ。

（4）、ꁱꇐꁰꄟꋽꇐꑞꈨꌬꀐꌠꊨꄅꌶ。

2、ꂘꌷꐊꇐ（教学内容）：

（1）、ꃚꋊꄉꁱꇐꌌꀘ，ꁱꇐꈐꏭꀉꇐꒌꆹꌌꑞꅺꌡꄉꁱꌠꊨꄅ。

（2）、ꅇꋲꏓꈹꐯꇯ，ꀒꁨ꒔ꁘꃅꅇꋲꄜꇐꐝꈯ。

（3）、ꁱꊱꅿꁱꃆꋽꇐꎥꃪ，ꀋꉬꀋꉆꌠꆏꐩꋊꁮꅉꇬꌋꆀꆈꌠꁡꇤꃶꐚꐥꐨꇬꃅꑌꑲꄉꁱꌠꁰꄟꌷꇇꈐꊐ。

（4）、꒿ꇐꆹꈍꃅꄉꀘꂾꒌꈎꃚꋒꅲꌒꌠꈻꌬꌠꉬ，ꎔꃅꎥꃪꇈꌌꌶꌺꄐꂘꄉꁱꈩꃅꎻ。

3、ꂘꌷꀋꉬꀋꉆꌠꌋꆀꊋꋠꐨꐥꌠ（重点难点）：

    ꁱꇐꈐꏭꀉꇐꒌꆹꌌꑞꅺꌡꄉꁱꌠ，ꀃꑍꋋꄮꑞꃅꀉꇐꒌꈎꄻꅐ，ꐩꋊꁮꅉꇬꌋꆀꆈꌠꁡꇤꃶꐚꐥꐨꇬꃅꑌꑲꄉꁱꇬꄜꇐꏭꂿꄐꑞꐥ。

4、ꂘꌷꄮꈉ（教学课时）4ꂷꈁ。

5、ꂘꌷꈳꏦ（教学过程）

（1）、ꁱꊿꃆꂮꊼꇅꌧ：

（2）、ꑭꋧꃅꌷꊱꎥꃪ：ꁱꇐꋋꊱꀑꐱꃅꇬꌌꌕꐕꃅꄉꎥꃪꉆ，ꂴ꒔ꐕꌠꆏꀃꑍꋋꄮꋦꈭꌡꁱ，ꋦꈭꃅꐛꃅꐙꁏꄉ“ꀉꇐ”ꈉꐯꈉ；ꑍꐕꌠꆏ“ꀉꇐꒌꎹ”，ꃬꏿꎰꄉꎹ、ꌎꑷꃅꄉꎹ，ꐈꌌ“ꀉꁌꑿꐊ”ꐛꎻꈁ，ꐈꌌ“ꒋꀕ”ꐛꎻꈁ；ꌕꐕꌠꆏ“ꀉꇐꒌꇴ”，“ꁦꀑꐥꑌꇁ”“ꎸꉗꊨꅥꇁ”。

（3）、ꁱꇐꅿꃹꅼꄜꇐ： “ꀉꇐ”ꆹꆈꌠ꒔ꏅꅿꁧꎁ，ꒌꈎꄻꅐꌠꆹꀁꐯꈭꃅꉜꑲꆏꉪꆈꌠꌺꇐꄹꁇꉬ，ꊿ꒔ꈨꋋꈨꀂꏾꈎꄉꊨꏦꈲꏣꀉꄂ꒰，ꊿꋅꁧꎁꍈꀋꉪ，ꄷꀋꁧꀱꊨꏦꊿꋅꉜꄸ；ꀉꐯꈭꃅꉜꑲꆏ“ꒌꈎ”ꄻꅐꌠꆹꉪꆈꌠꋋꁯꉬ，ꊿꋅꋋꁯꑌꋯꑌ꒔ꃱꃅꐙꇁꀋꄐ，ꊿꋅꀻꎆꄩꅐꇀꊋꌠ。

（4）、ꁱꇐꁰꄟꐋꀋꌡꌠ：꒔ꍈꌠꆏꉪꈀꄸꑌꇫꋒꌥꌠꍜꇰꀊꇐꁮꅉꃆꂮꅇꇬꐊ，ꑠꃅꇬꆏꉜꀘꊿꀉꑌꇁ，ꊽꉌꐡꈝꀋꐮ；ꑍꍈꌠꆏꉪꆈꌠꌺꇖꈀꄸꑌꇫꋒꌥꌠꀘꂾ“ꒌꈎ”ꇬꀗꃚꀗꉐꐊ，ꑠꃅꇬꆏꀘꌒꃅꑌꐙ，ꉇꑴꅲꇬꇗꈪꊰꃅꑌꐙ。

6、ꌷꉈꁱꃅꉪꏡ（课后作业）：

（1）、ꌷꈉꇬꄉꈋꍣꌠꃅ：ꌶꌺꁸꑍꁥꃅꄉ，ꑞꐛꅹꀃꑍꋋꄮ“ꀉꇐꒌꈎ”ꄻꅐ，ꉪꒉꌶꌺꆹꈍꃅꄉꊿꋅꀻꎆꌠꎁꃅꂱꑱꂿꃆꃅꋭ。

（2）、ꉪꌷꋺꌠꌋꆀꈨꋺꌠꇬꑌꑲꄉ“ꀉꇐ”ꃆꂮꁮꅉꌷꐋꈍꑋꑻꇴꌊꊼꇅꌧꎻ。

（3）、“ꉠꊿꋅ，ꉠꉂꏣ” ꄷꋋꇬꌌꅇꀨꃅꄉꌷꉈꈬꎃꁱꇐꁬꁱ（ꁱꂷ800ꂷꈍꐯꇁꀋꉆ）。

ꃘꊱꌠ
      ꀍꀬꇂꈪꀕ
  • ꌐꇴꄇꏓ•

1、ꂘꌷꑞꅉ（教学目的） ：꒿ꇐꋋꊱꌷꈭꐨꀋꉢꀋꉆꌠꆏꐛꒌꌡꁱꌠꁰꄟꌷꇇꈐꊐꌶ，꒔ꈭꐨꑭꋧꃅꑍ꒜ꑍꐥꐨꆫꍰꌠꑌꋓꉪꁨꄉ，ꐥꇐꌌꐮꄮꐽꃅꁱꑲꐯꇯꎼꇁꌠꑌꁱꇐꋋꊱꀋꉬꀋꉆꌠꉬ。

2、ꂘꌷꄮꈉꆹ（教学课时） 1ꂷꈁ。

꒔、ꌷꂾꌐꀺ（讲解提示）：

1、ꑴꁱꌟꃅꐙꌠꐛꒌꋋꂷꆹ，ꉪꊇ꒔ꃢꂾꆏꐥꍂꎺꇁꌠ，ꀋꑍꀋꈤꌠꐛꒌꊽꉌꐡꑠꂷꉬ。ꋌꐛꋦꈭꌋꆀꐧꇁꃰꊿꄮꐽ꒔ꃱꃅꐙꎍ。

2、ꀋꌋꀋꏢꃅꇫꈴꁧꌠꆹꄮꈉ，ꄚꇬꄮꈉꃆꂮꆹꅔꀋꅐꃅꁱꌠꁱꃆꉬ，ꆧꌺꄄꆈꀬꅉꀬꅉꈞꆈꃹ，ꀉꐔꀂꏾꀬꅉꀬꅉꑊꈜꁮꇁ，ꋋꆹꈀꄸꑌꇫꄙꀋꄐꌠꋌꐛꈳꏦꉬ。

3、ꁱꊿꉌ꒜ꉪꅉꉘꇉꅍꆏ“ꏃꃅꀬꄜ，ꈨꑭꀬꌬ”ꇁ，ꏃꃅꄜꈨꑭꌬꆏꋌꐛꑞꑌꍅꁍꀕꇁꀐ，ꋧꃅꉗꀑꅩꍅꃰꊿꐥꃅꌒꇁꄷꌠ。

ꑍ、ꑭꋧꃅꁱꇐꎥꃪ （课文分析） ：

1、꒔ꊙꊘꌠ：ꑴꁱꌟꃅꐙꌠꐛꒌꋽꎔꑠꂷꌡꁱꀐ，ꄚꇬꆏ“ꄩꌋꆀꀏ”ꄷꃅꍜꌐꅇꋋꑍꂷꌌꌬꄉꇈ，“ꆧꌺꌋꆀꀉꐔ”“ꄄꆈꌋꆀꀂꏾ”“ꆧꌺꇂꈪꌠꌋꆀꀍꀬꇂꈪꌠ”“ꃅꃴ（ꁱꎼꀋꇁꑴꇬꉪꐙꉆ）ꌋꆀꒉꋮ”ꋋꈨꌌꐮꅺꌡꄉꌠꁱ。ꐛꒌꋋꂷꆹꉪꊇ꒔ꃢꂾꆏꐥꍂꎺꇁꌠ，ꀋꑍꀋꈤꌠꐛꒌꊽꉌꐡꑠꂷꉬ，ꋌꐛꋦꈭꌋꆀꐧꇁꃰꊿꄮꐽ꒔ꃱꃅꐙꎍ，ꑞꆹꋌꐛꋦꈭ，ꑞꆹꐧꇁꃰꊿꉬꀋꐚ，ꐯꎏꐮꁠꉨꑣꀕ。

2、ꑍꊙꊘꌠ：“ꆣꈩꆣꈧ，ꆣꈧꆣꈩ”ꅇꋋꇬꄸꇬꂾꇱꄉꇬꆏ，ꐛꒌꇙꈨꐺꌠꋋꇅꃅꌧꉆꀐ，ꋋꆹꂴꊘꌠꀋꇙꐛꒌꂶꌠꌋꆀꀉꒉꃅꐮꍣꀐ，ꀒꁨ꒔ꁘꃅꀕꈧꃆꂮꌡꁱ。ꑠꃅꁱꇬꆏꁱꇐꍄꑐꃅꐙꇁ，ꀋꇊꆏ“ꆧꌺꄄꆈꀬꐺꄟꌋꆀꀉꐔꀂꏾꀬꐺꄟ”ꊿꂿꌠꌟꃅꊽꑓꐛꇁ。

3、ꌕꊙꊘꌠ：“ꏃꃅꀬꄜ，ꈨꑭꀬꌬ”ꌠꆹ“ꆧꌺꉬꅀꀉꐔꉬꌠ”ꊿꋋꊨꀋꄅꀐ，ꋋꆹꁱꊿꅔꀋꅐꃅꁱꌠ“ꄮꈉ”ꑍꇁꌊꒉꏽꄷꌠꉉꁱꌠ；ꄚꇬꆹꉇꑴꁱꊿꉪꐨꑍꍈꌧꉆꑴꌦ：꒔ꍈꌠꆏꄇꇖꀕꃅꄜꅐꇁꌠꆏꋌꐛꑞꑌꍅꁍꀕꇁꀐ，ꋧꃅꉗꀑꅩꍅꃰꊿꐥꃅꌒꇁꄷꌠ；ꑍꍈꌠꆏ“ꄮꈉ”ꑍꇁꌊꒉꏽꄷꌠꉉꁱꌠ，“ꄮꈉ”ꇫꈴꁦꆏꀉꐔꑌ꒔ꈓ꒔ꍈꃅꀈ꒜ꀋꄚꃅꀈ꒜ꇁꀐ。

ꌕ、ꁱꇐꁰꄟꋽꐪ（艺术特色分析）：

1、ꐛꒌꐥ，ꋋꆹ꒿ꇐꋋꊱꇬꈁꄞꅐꅉꉬ，ꐛꒌꋋꂷꋌꌡꁱꌊꁰꒌꍑꄉꂷꌡ，ꀋꇊꆏꉪꈀꄸꑌꇫꂿꀐꌠꌡ。

2、ꁱꇐꌃꎴ，꒿ꇐꋋꊱꐥꇐꀉꑌꃅꀋꁱ，ꈁꁱꌠꆹꉪꈀꄸꑌꇫꋒꌥꌠꐥꇐꑠꈍꑋꑵꀉꄸ，ꑠꃅꇬꆏ꒿ꇐꀁꎴꋋꍈꆹꉂꏣꄜꋊꌠ꒿ꇐꌃꎴꑠꊱꐛꀐ，ꌼꇑꀠꇁꃅꀋꐛꃅꊽꉌꂵꃹꃅꐙ。

3、ꇙꌠꌋꆀꀋꇙꌠꐮꐊꐙ，ꁱꇐꌕꊙꌠꇬꂴꊘꌠꆏꀋꇙꌠꐛꒌꂷꌡꁱ，ꊁꆏ“ꆣꈩꆣꈧ，ꆣꈧꆣꈩ”ꄷꋋꇬꌊꈪꏮꇈ，ꊁꑍꊙꌠꆏꇙꈧꌠꐛꒌꌡꁱ。

4、ꐥꇐꐮꌡꊒꄉꁱ，“ꄩꌋꆀꀏ”“ꆧꌺꌋꆀꀉꐔ”“ꄄꆈꌋꆀꀂꏾ”“ꆧꌺꇂꈪꌠꌋꆀꀍꀬꇂꈪꌠ”“ꃅꃴ（ꁱꎼꀋꇁꑴꇬꉪꐙꉆ）ꌋꆀꒉꋮ”，ꑠꃅꁱꇬꆏꉜꀘꊿꉌꂵꃹꈝꐮ。

ꉬ、ꌷꉈꁱꃅꉪꏡ（课后作业）

1、ꁱꇐꋋꊱꈁꌡꀱꌠꐛꒌꇬꈴꄉ，ꈬꎃꁱꇐꁬꁱꎼꇁ，ꁱꌊꐛꒌꐥꃅꐙꌶ。

2、꒿ꇐꋋꊱꇬꅇꂷꄽꂫꑍꇬꌠꆹ，꒿ꇐꋋꊱꄜꐨꀂꏽꂿꄐꑞꈨꐥꌠꄜꎼꇁ。