按：《献祭经》彝语称“莫靡库伙”（“꒜ꂓꈓꉻ”）。“莫”意为“尸体”；“靡”意为“为尸体报名或报告”；“库伙”意为“熟记在胸并诵出的经文”。这里所说的“尸体”即指被祭送的祖妣亡灵之替身草偶，也指作为宴灵之牲被宰杀的牺牲之尸体。全句的意思是“向被祭送的亡灵报告献祭的牺牲”。除了上述内容外，在整部经中还有祭供亡者生前曾用过的物品等内容。

《献祭经》是向被祭送的祖妣亡灵报告为置办灵宴所宰杀的牺牲和他（她）们生前曾使用或拥有过的物品，让他（她）们在人世间尽情地享用最后一次丰盛的灵宴后，带着献祭的牺牲之魂和所供奉的物品到恩木普古与自己已故归祖的亲人团聚并生栖在那里，成为庇佑其子孙后代的祖妣神或无害的善灵。

《献祭经》是祭祖送灵仪式活动中的宴灵仪式和驱魔咒鬼仪式中喂食鬼魂仪式上专用的彝文典籍之一，后者只选用其中劝吃劝喝部分的内容。本经书虽有文字记载的经典，但在具体运用时只能背诵而不能照经文朗诵。本经第一段只用于献畜镇魔仪式。《献祭经》是彝人举行祭祖送灵仪式活动中最为重要和篇幅最长、内容最多、理解难度最大的一部经典。其中的内容绝大多数是用古彝语记载的。因此，对于原文的理解难度相当大。而且部分内容不太连贯，可能是在几千年来的传承中产生人为失误所造成的。《献祭经》有二十九、三十和三十五章等各种不同的手抄版本，是宴灵和喂食鬼魂时必须念诵的经文。

本文根据美姑县牛牛坝乡约莫伙村曲比阿乌毕摩和拖木乡库伙莫村曲比拉果毕摩收藏的彝文典籍整理译文。

[规范01]ꑗꆳꑗꈩꄜ：ꑗꇐꑗꇐꃅ，ꑗꇐꑗꈐꃅ，ꑗꇐꑗꌺꆗ。ꆦꀻꊰꉬꉖ，ꆎꀋꌸꆹꂯ。ꑭꇈꂓꀋꒃ，ꂓꀋꂸꒃꆏ，ꑭꇈꂸꇱꄜ。ꍫꌒꀘꃼꆗ，ꀘꃼꂸꆗꆏ，ꍫꌒꐈꂸꌸ。ꐧꃅꀋꌺꇖ，ꊿꌦꂓꂸꌦ，ꌦꆏꂓꀋꒃ， ꂓꀋꂸꒃꆏ，ꄮꑭꇖꆷꋧ꒜ꅉꆹꏻ。ꋧ꒜ꅉꆹꂸꏻꆏ，ꁌꂓꇖꇁꒃ，ꀿꂓꌺꇁꒃ，ꒆꂓꑮꇁꒃ，ꂓꉬꆎꇴꁵ。ꁮꊈꑌꆏꀕ，ꏁꃅꑌꆏꀕ，ꇫꃅꑌꆏꀕ，ꌕꋒꃘꆏꀕ。ꁵꉬꀊꂵꊈ，ꒆꉬꀉꁌꊈ：ꑌꀋꋄꐞꀕ，ꑌꑿꒉꀋꂓ；ꎸꀋꉘꇱꀕ，ꁮꅰꇤꀱꀕ；ꍵꀋꉖꉾꀕ，ꑛꅪꈌꊂꂓ；ꋆꀋꃰꁌꀕ，ꄯꆪꈌꀋꂓ；ꌕꆳꂱꀕꁏ，ꊉꍸꈐꐮꅇ。ꏃꀋꃹꀋꌺ，ꉘꈯꀋꃋꊪ，ꄜꈯꀋꆈꆦ，꒰ꇬꀋꇐꎤ，ꆀꆹꃼꊂꑭ，ꑭꃅꄝꀕꆹ，ꑭꅊꁉꀕꁮ。ꈌꃴꄂꁌꈤ，ꈍꀻꉒꊂꋊ，ꈌꐔꆏꀻꀕ。ꂿꎝ꒰ꂸꉪ，ꀘꄜꐋꂸꐞ。ꇰꃪꇰꑌꈭꃹꆎꂸꌸ，ꈭꃹꆎꌶꐭꌸꀕ；ꇰꑎꇰ꒰ꍀꆿꆎꂸꌸ，ꍀꆿꆎꌶꊉꋓꀕ；ꇰꌩꇰꇓꎺ꒰ꆎꂸꌸ，ꎺ꒰ꆎꌶꃨꈍꀕ。ꊈꍸꁧꃴꀘꄜꆎꂸꌸ，ꀘꄜꆏꌶꀒꑴꀕ；ꃼ꒨ꆏꌶꂮꅑ꒰，ꆪꃱꆏꌶꄀꅪꁏ，ꏿꈍꆏꌶꋒꁌꃰ。ꒉꂱꆏꌶꉐꌦꌪ，ꇬꈤꏢꈤꆏꌶꄹꊈꄏ。ꇲꂇꆏꌶꀮꄮꌅ，ꃅꎆꆏꌶꁮꍤꎪ，ꐎꇐꆏꌶꃰꌦꀮꆹꌦ。ꑗꆳꑗꈩꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇈ。ꀊꉆꀘꄜꉪꈨꇈ，ꀃꑍꉢꄜꆍꇰꂾ，ꆍꄜꌠꇰꆹ。ꄜꀋꂓꎧꁵ，ꄜꀋꂓꊈꈤ，ꄜꀋꂓꂿꀕꄹꀕ。ꈤꆸꋌꉬꎆ，꒔ꊨꋌꃅꈤ。

[译文01]鸣冤经：献祭且鸣冤，伸冤灵运旺，神灵主公道。祭祀十五夜，为尔鸣冤屈。故后名消失，若不重提名，字名自此消。灵宴勤献祭，毕若不献祭，亡灵不会享。居木的子孙，人亡名尚存。故后不提名，若不重提名，犹似藤蔓枯腐化成土。不愿枯腐消失者，贤孙重提祖父名，孝子重提生父名，贤妻重提夫君名。提名祭送亡者灵，绵羊成群献灵前，勤俭积财富，艰辛筹祭牲，祭事方如愿。已故的先妣，已故的先祖：春来暖洋洋，绵羊献祭牲；夏季日光毒，阉羊招游魂；秋季雨绵绵，黄牛献祭牲；冬季冰雪封，野兔献祭牲，清风徐徐拂，棚内祭祖灵。自古的人类，气息是生命，大地育生灵，艰辛创家业。晚年体已衰，气绝命已尽，亡魂随烟升。物种源自天，随云游苍穹，填补空缺处。视金如粪土，开场不忘友。禽类鹤雁未蒙冤，鹤雁蒙冤争相鸣；兽类狮虎未蒙冤，狮虎蒙冤倍凶猛；林木杉柏未蒙冤，杉柏蒙冤花蓬蓬。祭祀棚内神毕诵经洗冤屈，尔等洗冤则心安。签筒洗冤金灿灿，法笠洗冤似鹰翔，法扇洗冤舞翩翩。云雾洗冤撒甘露，春雷蒙冤震大地。禽神蒙冤难立君，运神蒙冤财源闭，福面洗冤雪花飘。献祭鸣冤经，不诵则不明。自古祖传孙，父传子至今。后见他人如此用，今由我来告知你，尔等定要互转告。告祭献醇酒，告祭献祭牲，鸣冤事已明。祭词已终结，至此告一段。

[规范02]ꑴꃆꑴ꒧ꄜ：ꇙꆀꐱꆹꆏ，ꏃꀋꆏꇯꏻ，ꌿꑌꈬꊂꋦ，ꃅꃴꈌꐥꉘ。ꇰꃪꇱꑍꑴ，ꇰꑎꈌꋒꌋ，ꇰꑎꆏꄮꑴ。ꌕꄡꃪꇌꑴ，ꑴꃅꑴꅺꑴ。ꉬꊂꑭꉘꑎ，ꁵꊂꑭꄂꐰ，ꇬꊈꆀꐋꇈ。ꂸꅥꃅꂸꅥ，ꀐꃅꅞꊂꅥ。ꅆꈌꆳ，ꇉꈌꋴꌠꑴ。ꂸꉭꄹꌒꑴ，ꆿꎧꍯꎧꑴ。ꃼ꒨ꆪꃱꑴ，ꊪꈌꄀꆂꑴ，ꉘꁌꅪꎭꑴ。ꈻꃢꈻꈚꑴ，ꂿꎆꅺꎆꑴ。ꎑꆹꑴꎑꆹ，ꄂꎑꆏꉘꌒ。ꄵꍀꆏꊂꍀ，ꄵꍀꆏꒉꐥ。ꆀꃅꃤꊂꆹ，ꀘꈌꃆꄡꇑ，꒜ꈌꈜꄡꑴ。ꑴꃅꑴ꒧ꄜ，ꐈꀮꂿꌋꃅꌦꂯ。

[译文02]防秽经：生灵竞繁殖，秽气频频生。杉林栖禽兽，气息育生命。预防禽染秽，预防兽污染，禽兽秽已防。预防禽兽秽，预防需用牲。祖亡魂升天，妣亡魂弃地，祭场供亡灵。未击天未击，帝王故者击。预防众口出，互传播之秽。祭场已防污，供品已防秽。签筒法笠已防秽，护法神灵已防秽，祭场用品已防污。衣物首饰已防秽，牺牲栓牲已防污。污秽已预防，云散则日出。镇祓在末尾，祓则获声誉。祭祖场地上，神毕执祭莫打搅，贤臣判案莫插嘴。防秽词已终，再诵丘布护主点丁经。

[规范03]ꐧꃅꌠꄜ：ꐧꃅꌠꄜꀐ，ꇴꍂꉘꊂꄚ。ꉒꏃꁍꊂꑗ，ꋝꃤꑭꊂꇔ。ꇴꍂꉘꊂꍂ，ꉘꈁ꒰ꌠꇁ。ꌕꁮꌕꇁꁉ，ꌕꉒꌕꇁꎰ，ꌕꐈꌕꇁꏮ，ꄹꄉꌠꉬꇈ。ꉭ꒜ꆹꄚꏃꀋꈁꐔꃅ，ꁧꆏꇉꇱꐎ，ꉭꆏꇉꉆꍅ，ꉭ꒜ꐊꇈꑭ。ꇉꋧꇉꇁꋧ，ꇉꋧꆏꀻꀕ；ꇉꈤꆗꇁꈤ，ꇉꈤꆏꑣꀕ。ꐧꊂꈲꒌꈤ，ꑙꊂꆀꒌꅑ，ꏦꊂꀦꒌꁨ。ꉒꊂꑴꒌꅑ，ꄹꊂꑭꒌꁨ。ꁍꀋꑗꒌꅑ，ꆿꊂꍯꒌꁨ。ꋆꊂꃰꒌꅑ，ꈤꊂꂿꒌꅑ，ꄹꊂꉭꒌꈤ。ꐧꃅꀃꌺꇖ，ꌠꑬꂓꂸꒃ，ꂓꀋꂸꒃꆏ，ꌠꏁꁨꇁꄷ，ꐧꌺꒃꆹꌧꎮꎙꋧꑌ，ꉭꈍꎙꂸꋧ；ꑛꌺꒆꆹꅥꅍꎙꋧꑌ，ꆧꎇꎙꂸꋧ。ꑭꇈꌠꊂꆂ，ꁵꉬꀊꂵꊈ，ꒆꉬꀉꁌꊈ：ꆍꒆꇉꃼꊁ，ꒆꉬꍂꀋꐥ。ꐧꃅꌠꄜꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇈ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꋚꍈ，ꄜꊂꍫꎧꁵ，ꍫꎧꌵꆏꇲ；ꄜꊂꍫꊈꈤ，ꍫꊈꌵꆏꇮ。ꂸꄜꃅꋩꋧ，ꄜꆏꁨꇉꇈ。ꈤꆸꋌꉬꎆ，꒔ꊨꋌꃅꌐ。

[译文03]告慰世人经：告知世上人，寿未尽命终。云雾罩大地，命尽脱苦难。寿长命却短，争权折寿命。三方现三逢，三云遮三空，三变擅运行，诸事已叙明。气绝丧命处，山白谷也白，亡祖越崇山，亡妣结伴游。山谷深且窄，谷窄难穿行；山谷浅且宽，谷宽辟路径。人类依魂兴，六畜依魂旺，五谷依魂丰。游云遮阴影，埂坎现影子，田土依主存，谷丰储陈粮。隆冬显雪影，兴盛伴衰象，身壮魂离体。居木的子孙，人亡不提名，若不重提名，子孙失孝道。死神病魔缠身虽可除，死亡劫难不能躲。赶牲鞭子能遗失，拦牲厩舍却长存。已故众亡灵，已故的先妣，已故的先祖：尔等出生后，寿未尽命终。告知世人经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉，诵经祭醇酒，饮酒心畅快；诵经献祭牲。不诵心不明，诵则亮堂堂。祭词已终结，至此告一段。

[规范04]ꑭꐪꆅꈜꄜ：ꑌꆹꀕꊂꏤ，ꇱ꒜ꁧꂾꎙ。ꆹꇊꆹꃼꊇ，ꍫꌠꋧꎝꌺ，ꆎ꒜ꒆꊂꌦ。ꈌꎝꑴꅍꍂ，ꈲꆀꁮꐎꎤ。ꁌꁒꊴꐷꁍ，ꁌꋒꐷꃅꐈ。ꁍꑗꊈꌋꎆ，ꉘꄜꎺꌋꐊ。ꇰꃅꀿꊂꆀ，ꃅꅪ꒜ꊂꆦ，ꄵꇓꑴꉬꄷ。ꑭꇈꌠꊂꆂ：ꆍꒆꇉꃼꊂ，ꆍꒆꋬꎜꄉ，ꆍꒆꂴꎜꄉ；ꆍꒆꇱꎜꄉ，ꆍꒆꃏꎜꄉ。ꂓꋉꅉꊂꋉ，ꂓꋉꋬꈐꃅ；ꃬꄀꅉꊂꄀ，ꃬꄀꅉꉘꒉ。ꎧꃴ꒰ꊂꆹ，ꑃꆹꌕꐞꐥ。ꆀꃅꉭꊂꄉ，ꆀꃅꀁꍞꉃ；ꃝꄵꉭꊂꄉ，ꃝꄵꀁꋊꊛ；ꐚꏛꉭꊂꄉ，ꐚꏛꀁꏣꅔ。ꌅꊂ꒜ꎃꍬ，ꊈꊂꌐꋌꀖ，ꋊꊂꃤꎷꇭ，ꎍꋒꌠꉬꇈ。ꐧꌺꒆꆹꌠ，ꌧꎮꎙꋧꑌ，ꉭꈍꎙꂸꋧ；ꑛꌺꒆꆹꌠ，ꅥꅍꎙꋧꑌ，ꉻꆧꎙꂸꋧ；ꏦꌺꒆꆹꌠ，ꋩꅍꎙꋧꑌ，ꀻꃰꎙꂸꋧ。ꈁꄮꇉꃼꇯ，ꅆꊂꐈꉆꐔ，ꋯ꒜ꐞꒉꇔ。ꆺꑳ꒰ꃼꇯ，ꒆꉬꍂꊂꐷ，ꅉꐯꆹꊂꄵ，ꀘꈌꉬꊂꑄ。ꁒꐎꑷꉻꍃ，ꑷꁱꍤꀕꅉ。ꎞꄉꉐꈨꃅ，ꀘꇈꑍ꒿ꌐ。ꉃꀕꉃꂸꄿ，ꉃꇈꑭꌠꃅ。ꁵꉬꀊꂵꊇ，ꒆꉬꀉꁌꊇ：ꆍꀐꂸꇴꉌꉪꀕ，ꂸꐛꊇꀺꀕ。ꀃꂱꀋꎞꑛꅪꑍ꒜ꑋ，ꊰꀐꌆꋏꀕ，ꊰꑭꐎꅝꀕ，ꉬꋧꀯꇗꀕ，꒔ꋬꅥꈯꀕ。꒜ꊂꉾꃤꆦ，ꉾꁵꎧꏸꊰꄉꋠ，꒔꒜ꍯꋚꊰꄉꋠ，ꇌꉾꈿꊞꊰꄉꋠ。ꋠꊂꋠ，ꅝꊂꅝꅊꇈ。ꑭꐪꆅꈜꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇯꇈ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文04]病亡经：人生路漫漫，穿山越密林。行进且行进，生前是尊者，故后弃游魂。祭祀制灵牌，祈福用白羊。祖妣魂擅变，故后变野鹿。田产赐儿孙，杉神伴魂行。祭送亡父灵，祭送亡母灵，生前声望高。谢世已故者，尔等出生后，生时盼吉祥，成长盼如意。望男获阳神，望女得阴神。循制取佳名，赐名盼吉祥；又赐呢称号，称之倍亲切。水酒黄澄澄，取名择吉日。祭祖送亡灵，祭祖求繁衍。开亲广联姻，娶妻续宗祠。抵御入侵敌，御敌保疆域。随从君臣意，联姻定邦交。宗亲永联盟，曾是显赫者。人生在世者，虽能躲病灾，难逃死亡劫。牛马出生后，虽能躲鞭击，难免困厩舍。五谷成熟后，虽能免捶击，难免被翻晒。亡者患病时，病情不稳定，众口不一至。吾主宅院内，为祖卸病魔，阻锁地底下，众毕齐力驱。白鸡占骨卜，卦象不明晰。偿还诸孽债，宽慰众人心。竭力齐救治，终难挽性命。已故的先妣，已故的先祖：尔等心欠欠，始终不肯离。今夜宴灵牛，牛首高高昂，四肢粗又壮，膘肥体雄健，奔驰似闪电。椎牛宴尔灵，请用牛肉佐美酒，米饭佐肺汤，荞馍佐牛肉。吃啊吃，喝啊喝。病亡经过经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范05]ꇔꑭꐧꋦꍞ：ꐧꍂꃅꍞꇽ，ꄹꆹꃼꊂꉈ。ꄂꐎꁉꀕꒉ꒰ꋒ，ꌕꆳꂱꀕꈐꐮꅇ，ꆈꒉꉿꀕꉘꉬꋓꊂꌪ。ꊰꂪꀋꃰꎑ，ꈨꆈꄤꆈꑋ，ꄤꆈꊈꉆꉘ。ꒌꆠꉬꄹꅐ，ꍞꉬꌕꋦꏮ。ꇬꈘꑍꄝꅞ，ꌗꈘꉭꈍꃹ。ꑭꇈꃼꊂꆏ， ꑭꊂꌺ， ꋊꊂꃤꇁꒃ。ꐧꑌꅊꅥꃏ，ꇱꎆꊂ꒰ꂾ，ꂿꌠꇴꒉꉘ。ꌕꉒꆀꊂꋊ，ꊰꒃꊰꉻꋉ。ꋩꐎꇖꋒꈤ，ꈻꁧꌐꊂꐡ。ꌦꊂꇁꅉꋩ， ꄔꇖꊏ， ꈤꁧꌕꉎꋩ，ꋌꊂꋦꃅꁵ。ꀍꃈꅰꌋꈻ， ꆍꈻꄚꊂꄉ。ꐗꁍꇓꆂꉼ， ꆍꉼꄚꊂꄉ。꒜ꂓꇌꊂꂓ， ꆅꈈꃼꊂꈈ， ꎧꄹꊂꇱꍂ。ꈓꄜꊉꊂꏡ，ꆈꒉꉘꉬ꒜。ꆂꉆꎑꆹꊤ， ꇔꑭꐧꋦꍞꊂꉬꃅꄉ。ꇔꑭꐧꋦꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇈ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文05]丧祭制灵经：苍天主寿限，限至寿即终。白云悠悠携魂游，三风徐徐报噩耗，江水滚滚无声息。吊唁者成队，大地灰朦朦，浓云滚滚涌。亡魂已出窍，绕宅游三圈。弃尸宅室内，气绝命已终。故者故去后，众儿孙，宗亲齐殓尸。宰牲悼亡魂，逝者显威荣。招魂制灵牌，悬挂房梁上。猪卜插卜签，卜签插四双，护神已离去。丧葬场地上，引尸火四把，引尸到焚场，焚毁亡者尸。招引祖妣灵，引魂制灵签。坟茔祛污秽，居处已洁净。黄牛献祭牲，向左镇病魔。酒香阵阵飘，醇香引亡灵，奉酒似湖泊。悬崖挂灵棺，世间遗痕迹。丧祭制灵经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范06]ꄹꀋꉭꑍꏤ：ꀋꉬꍸꎃꆏ，ꄹꀋꉭꑍꏤ。ꋩꊂꐷꒌꅑ，ꐷꊂꈜꋒꍸ。ꑭꇈꌠꊂꆂ，ꑆꊂꊋꃤꄸ。ꌅꊂꇮꈐꃅ，꒜ꊂꇔꎭꈁ，ꀘꊂꑭꃅꋯ；ꊈꊂꃪꅪꎆ，ꌐꊂꈁꄷꏢ，ꐋꑌꐳꊂꇽ。꒔ꎂꊪꇈꆏ，ꃅꐎꏃꇖꊈ，ꈨꁏꊁꐥꇈ，ꊖꆈꀱꇁꉆ。ꑌꎆꆹꊂꊇ， ꑌꄜꑌꐔꃅ。ꑭꊂꇔꄹꄳ，ꑭꄹꄳꇈꆹ，ꅪꌫꆹꀋꊁ，ꅪꇈ꒔ꐥꐎ。ꉭꇉꉆꃼꊁ，ꑭꑌꑭꄹꌅ，ꑌꋚꃅꉻꏻ。꒔ꌋꐴꊂꎆ，ꈤꆹꋌꉬꎆ。ꄹꊂꉭꑍꏤ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇈ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文06]生死类别经：现在再念诵，生死类别经。祭祖逐凶孽，除秽亡灵净。告祭众逝者，设宴还恩情。君魂享盛誉，臣魂享俸禄，毕魂享祭运。姻亲似壁立，姻戚如穿梭，宗亲齐送灵。送灵归祖后，云雾照常罩，日月常轮回，万物新替老。牛羊盖牧场，六畜仍繁殖。丧事照常办，祭祀未中断。喜事未曾止，丧喜事相伴。神毕勤执祭，祭祖送亡灵，祭品垒灵前。祭祖儿孙旺，遗裔遍世间。生死类别经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范07]ꑭꄹꇉꊂꋩ：ꑭꄹꇉꊂꋩ，ꉬꇌꋩꊂꐷ。ꆀꋚꍈ，ꍫꉘꏣ；ꆀꃅꃢ，ꊈꊂꏣ。ꅰꌋꐔꊂꌫ，ꒌꆠꉭꊂꑣ。ꌕꉖꆀ꒔ꋉ，ꉘꊂꍬꊂꄉ。ꂓꈐꋌꊂꌒ，ꆧꐎꊂꒉꅝ，ꏣꑌꊂꋚꍈ，ꆈꒉꊂꊖꏣ，ꐔꇌꑍꂸꒃ，ꆂꉆꀋꂱꀕ， ꈁꃅꇐꂸꐥ。ꑭꄹꇉꊂꋩ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꉘꈤ。ꈤꆹꋌꉬꎆ，꒔ꊨꋌꃅꌐ。

[译文07]制灵供奉经：故后祭亡魂，杀牲勤供奉。设灵宴，供亡灵，勤献祭，续焚骨。穴骨制灵芯，拽取亡者灵。宴灵整三夜，劝灵赴灵宴。祭祖重提名，净水祭亡灵，佳肴供灵前。江河滚滚流，禽兽隐林间，崖壁成排立，肃穆悼亡者。制灵供奉经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范08]ꎧꉺꎧꏻ：ꍐꀕꃪꂸꄿ，ꐧꃅꊈꂸꌋ，ꃅꎆ꒰ꂸꈈ。ꍫꎧꋝꍫꎧ，ꍫꊋꋝꍫꊋ，ꄹꃅꋝꂸꍸ。ꉭꊂꅉꈌꋒ，ꅉꑷꂇꆽꏶ。ꆫꄏꆽꄚꋒꃅꑍꈍꀕ，ꃅꇴꃅꊉꈤ。ꋠꑌꊏꐊꀕ，ꃅꅪꃅꌐꈤ，ꋝꏃꐋꇯꊪ。ꆹꇊꆹꃼꊂ，ꐋꑌꋩꎝꌺ。ꐋꑌꑭꇈꆏ，ꃅꇴꃅꊉꏻ。ꑭꆏꄵꊂꊐ，ꂓꆏꂓꊉꑌ。ꇍꈩꏃꎗꌺ，ꇍꈩꑭꇈꆏ，ꇍꈩꃅꆈꏻ，ꃅꆈꃅꌌꏻ。ꑭꆏꊉꊂꍸ，ꂓꆏꂓꑌꊈ。ꆹꇊꆹꃼꊂ，ꍳꌠꑭꇈꆏ，ꅉꈌꅉꆽꏻ，ꑭꆏꅉꑷꐊꅇꄜꅉꈌꐊ。ꅇꄜꅉꈌꍅ，ꅇꄜꅉꑷꍅ。ꋌꆹꑭꃷꈌ，ꋌꆹꑭꑴ꓀，ꑭꑴꃼꂸꉬ。ꄝꀕꆹ，ꁉꀕꁮꇈꆏ。ꂓꆏꂓꑍꊈ，ꂓꆏꋝꃅꍸ。ꑴꋝꇁ，ꉒꋝꅲ，ꃰꋝꃢꇁꎝ。ꋝꍸꇌꉘꁌ，ꋝꍸꋌꊂꒉ。ꋝꍸꑭꃷꈌ， ꋝꍸꑭꑴ꓀，ꋝꍸꃤꂸꊌ。ꀊꆨꁌꑆꇖꑌꌠ，ꇖꀱꁌꎧꏻ；ꀿꑆꌺꑌꌠ，ꌺꀱꀿꎧꏻ；꒜ꑆꅪꑌꌠ，ꅪꀱ꒜ꎧꏻ；ꀀꑆꑮꑌꌠ，ꑮꀱꀀꎧꏻ。ꁵꉬꀊꂵꊈ，ꒆꉬꀉꁌꊈ：ꎧꅪꍸ꒔ꍔ，ꆍꌌꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꌌꇖꌅꉬ꒜ꊏꊂꆹ，ꇖꀘꉬꆗꊏꊂꆹ，ꌦꐋꆅꐊꊏꊂꆹ，ꇗꇱꄯꁙꊏꊂꆹ。ꆍꂓꆍꄜꆹ，ꅉꈌꅉꑷꁥꊂꄜ。ꎧꉺꎧꏻꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꇈ，ꀃꑍꉢꄜꆍꇱꂾ。꒔ꑲꆍꑆꏻ，꒔ꑲꆍꊋꏻ。ꈤꆹꋌꉬꎆ，꒔ꊨꋌꃅꌐ。

[译文08]祭酒经（一）：首祭一碗酒，君子不忘恩，富贵不忘贫。醇酒祭祖妣，祭祖还恩情，祭送祖妣灵。镇锁土鸡与土狗，替其偿情债。云雾岭中山林神森森，惊雷传千里。熊罴性勇猛，寿有终结时，伴随亡者去。前行且前行，相伴归祖去。兽类命终时，雷声偿情债。亡魂归宇宙，兽名不曾失。勒格支儿孙，勒格故去时，黑马驮亡灵，驮马偿情债。骨灰撒林中，勒格名未失。前行且前行，仪式众主人，祖妣故去后，土狗偿情债，土鸡伴灵行，土狗追随去。诵经镇土狗，诵经镇土鸡，用其驱死神，用其逐病魔。迅速离，纷纷散将去。亡名已失者，祭祖重提名。洁灵归，随云游，伴雪化开去。祭牛随秽签，随秽签消失。秽签驱死神，秽签逐病魔，自此不复返。过去孙欠祖恩者，贤孙以酒报祖恩；子欠父恩者，孝子以酒报父恩；女欠母恩者，淑女以酒报母恩；媳欠公恩者，贤媳以酒报公恩。已故的先妣，已故的先祖：这碗醇美酒，尔等带到达阿尕伙峨、阿尕伙普、三山峰岭、恩木普古时，请与亡君亡臣魂同饮，请与亡毕魂同饮，请与归祖同行者共饮，请用美酒堵住尔格特比嘴。尔等请报己芳名，随报土鸡土狗名。献祭醇酒经，不诵则不明。自古祖传孙，父传子至今。后见他人如此用，今由我来告知你。以酒报尔恩，以酒还尔情。祭词已终结，至此告一段。

[规范09]ꎧꉺꎧꏻ：ꍐꀕꃪꂸꄿ，ꐧꃅꀁꂸꌦ，ꂿꎆ꒰ꂸꌋ。ꍳꎧꂿꎧꏻ，ꍳꊈꂿꏻꊈ。ꄸꃅꂿꂸꏻ，ꉭꊂꌕꏮꀕꆹꏻ。ꈌꉈꆀꊂꋊ，ꃬꆹꋒꀋꃅ。ꁒꉆꃅꋩꋧ，ꂿꏻꃏꆺꀕ。ꂿꏻꇌꉘꁌ，ꂿꏻꋌꊂꒉ。ꂿꏻꌦꃷꈌ，ꂿꏻꌧꑴ꓀，ꌧꑴꃼꂸꊌ。ꁵꉬꀊꂵꊈ，ꒆꉬꀉꁌꊈ：ꎧꅪꍸ꒔ꍔ，꒜ꀋꎧꈘꃅ，ꎧꈘꎧꋊꊛ。ꊂꀋꎧꇗꄀ，ꎧꇗꎧꃨꄀ，ꎧꃨꆍꊂꄀ。ꎧꅪꍸ꒔ꍔ，ꆍꌌꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꌌꇖꌅꉬ꒜ꊏꊂꆹ，ꇖꀘꉬꆗꊏꊂꆹ，ꌦꐋꆅꐊꊏꊂꆹ，ꇗꇱꄯꁙꊏꊂꆹ。ꎧꉺꎧꏻꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꈤ。

[译文09]祭酒经（二）：次敬一碗酒，君子不忘恩，富贵不忘贫。醇酒祭亡灵，酒能接残骨。敬酒不懈怠，美酒敬三次。以酒祛狗秽，以酒除鸡污。祭台若不净，以酒祛则净。以酒除牛污，以酒祛牲秽。以酒堵死神，以酒逐病魔，死神不再至。已故的先妣，已故的先祖：这碗醇美酒，依照祖方酿，延续至如今。后人曾创新，酒味倍甘美，今日祭尔等。这碗醇美酒，尔等带到阿尕伙峨、阿尕伙普、三山峰岭、恩木普古时，请与亡君亡臣魂同饮，请与亡毕魂同饮，请与同行归祖者同饮，用酒堵住尔格特比嘴。献祭醇酒经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范10]ꎧꉺꎧꏻ：ꍐꀕꃪꂸꄿ，ꐧꃅꀁꂸꌋ，ꂿꎆ꒰ꂸꌋ。ꍳꎧꉭꀋꎧ，ꍳꊈꉭꀋꊈ，ꉭꀋꌕꋒꃹꆹꏻ。ꉭꎧꇱꊰꇱ，ꉭꎧ꓂ꑲꀕ。ꑷꇔꇌ，ꑷꇔꅺ，ꃰꇔꃤꇁꎧ。ꃘꊂꑌꑿꎙ，ꉭꎧꄸꂸꎙ；ꐚꊂꐔꅑꎙ，ꉭꎧꄸꂸꎙ；ꋊꊂꆿꍯꎙ，ꉭꎧꄸꂸꎙ。ꉭꎧꇌꉘꁌ，ꉭꎧꋌꊂꒉ。ꉭꎧꌦꃷꁌ，ꉭꎧꌦꑴ꓀，ꌦꑴꃤꂸꊌ。ꉭꎧꉒꀑꎧ，ꉭꋚꉒꀑꋚ。ꎧꆹꉭꊂꇱ，ꎧꆹꉭꊂꃏ，ꉭꊂꎧꉬꄷ。ꁵꉬꀊꂵꊈ，ꒆꉬꀉꁌꊈ：ꎧꀋꆏ꒔ꋆ，ꎧꅪꆏ꒔ꍔ。ꆍꌌꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꌌꇖꌅꉬ꒜ꊏꊂꆹ，ꇖꀘꉬꆗꊏꊂꆹ，ꌦꐋꆅꐊꊏꊂꆹꅊꇈ。ꉺꊂꉻ，ꊒꊂꊒ。ꌕꀐꆍꑆꏻ，ꌕꀐꆍꊋꏻ。ꎧꉺꎧꏻꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꉘꈤ。ꈤꆹꋌꉬꎆ，꒔ꊨꋌꃅꌐ。

[译文10]祭酒经（三）：再敬一碗酒，君子不忘恩，富贵不忘贫。毕替主敬酒，以酒报恩情，偿还恩情整三遍。祭词九十九，祭文长悠悠。声明献祭牛，声明献祭牲，声明祭醇酒。羊群易离散，毕敬酒不散。战场兵易退，毕敬酒不退。五谷食则尽，毕敬酒不尽。敬酒献祭牛，祭酒似江流。以酒驱死神，以酒逐病魔，死神病魔不再至。酒香溢四方，供品蒸气腾。美酒祭祀阳育神，美酒祭祀阴育神，祭酒祈子嗣。已故的先妣，已故的先祖：这窖自酿酒，这碗醇美酒，尔等带到阿尕伙峨、阿尕伙普、三山峰岭、恩木普古时，请与亡君亡臣魂同饮，请与亡毕魂同饮，请与归祖同行者共饮。祭啊祭，偿啊偿恩情。三次还尔情，三次还尔债。献祭醇酒经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范11]ꌕꏁꄜꉆ：ꌕꏁꄮꁌꑌ，ꄶꆹꃅꄶꆹ，ꆀꃅꄶꆹꐨ。ꐧꃅꀂꌺꇖ，ꌦꆏꉭꀋꁨ。ꅆꀐꊫꏃꋧꆏꌪ，ꅆꀐꊫꏃꌪꆏꁨ。ꑭꇈꌠꊂꆂ，ꊰꄂ꒜ꊂꌺ。ꆍꒆꇉꃼꊁ，ꁸꃅꀋꂸꅇ，ꇴꇈꂸꐥꀕ。ꀂꀋꌺꏃꂸꌒꇐꂸꐥ，ꑭꇁꄹꂸꇴ。ꂓꇁꄹꇮꇬꑌꇁꊸꂸꌒ，ꐷꇁꆗꊸꌒ。ꋌꃅꇁꇈꆏ，ꇗꇱꋯꈌꁮ，ꆏꇱꃢꊈꐎ。ꑭꃅꇉꊂꆹ，ꊖꌗ꒔ꎤꁮ。ꆹꇊꆹꃼꊁ，꒰ꌠꌦꇈꆏ，ꈐꍸꇯꇖꀕ，ꂮꍸꄙꅊꀕ。ꋝꊂ꒰ꌠꊈ，꒰ꑲꊌꀋꃅ꒰ꌠꑭꇴꃅ，꒰ꌠꑭꈐꉘ，꒰ꌠꆗꈐꁵ。ꇗꇱꋯꈌꁮ，ꊖꌗ꒔ꎤꁮ。ꆀꌠꑭꇈꆏ，ꑭꂸꇴꆹꏶ。ꆪꌠꉬꄷꇴ，ꈌꉆꏣꊥꉆ。ꃅꎆꄀꆂꐊ，ꊭꇷꄀꆂꁌ。ꆀꌠꑭꇴꈐ，ꆀꌠꑭꇴꉘ。ꁵꉬꀊꂵꊈ，ꒆꉬꀉꁌꊈ：ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，꒔꒜ꌕꏁꇉꀋꐥ，ꋌꉇꌕꏁꂿꄷꑴ；꒔꒜ꄮꁌꇉꀋꐥ，ꋌꉇꄮꁌꂿꄷꑴ。ꌕ꒰ꄮꁌꑌ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꉘꈤ，ꈤꆹꋌꉬꎆ。ꁵꉬꀊꂵꊈ，ꒆꉬꀉꁌꊈ：ꋠꀋꋠ，ꅝꊂꅝꅊꇈ。ꆍꌠꌟꊂꌠꄡꍈ，ꀂꊂꀂꄡꍈ，ꆍꃅꆍꀐꀉꄂꋠ。ꌩꁐꇤꉘꁮꐎꁮꆈꉻꄉꋠ，ꀈꉘꑗꒉꃢ꒰ꃢꆈꉻꄉꋠ，ꊈꍸꁧꃴꌦꒌꐥꒌꉻꄉꋠ。ꐥꌠꒌꆠꒌꄂꆠꃰꌠ，ꆍꂾꐊꌠꇇꎇꉈꑴꈻꄉꋠ，ꆍꊂꐊꌠꑭꎅꉈꑴꑃꄉꋠ，ꁧꁨꐊꌠꑓꈻꉈꑴꎓꄉꋠ。ꆍꌠꉅꐎꁿꊂꑌꄉꋠ，ꃬꐎꁿꊂꉆꄉꋠꅊꇈ。ꀋꃉꂿꀱꂿꏢꋠ，ꂿꍀꂿꉈꋠ；ꀆꌐꃽꁒꐒꄉꋠ，ꑴꅪꐀꄉꋠ。ꇌꉾꈾꊞꊰ，꒔꒜ꍯꋚꊰꄉꋠꅊꇈ。

[译文11]赐灵运禄经：祭奠亡者灵，同祭众地神，祭祀勤供奉。居木的子孙，故后未曾祭。诵经引亡魂，诵经设灵宴。谢世已故者，均系母所生。尔等出生后，亲友均疼爱，幸福不用言。心宽体壮无忧虑，未料灾难会降临。盛名曾远扬，创业又立家，事业有成就。到了晚年时，尔格鬼索命，焚尸骨成炭。灵魂出了窍，遁隐土层中。身亡魂离后，出殡丧葬时，焚场搭柴楼，尸烟腾腾升。丧祭制灵牌，尚未能祭送。亡灵运不济，未曾获运禄，运禄已离散。尔格夺其命，黑土阻其魂。故者故去后，运禄弃世间。月神欲赐予，亡魂无福受。运禄随鹰翔，白鹰似玉帛。亡灵未得运，未曾获运禄。已故的先妣，已故的先祖：尔等到达阿尕伙峨、阿尕伙普、三山峰岭、恩木普古时，过去未得运，今日已赐运；过去未获禄，今日赐运禄。赐灵运禄经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉，祭词已终结。已故的先妣，已故的先祖：吃啊吃，喝啊喝。勿让活魂来抢食，切勿顾及他人魂，尔等尽情地享用。要象驷匹尕伙白羊黑羊分群各觅食，犹似阿伙柳艺黄猪黑猪分群各觅食，祭祀棚内亡魂活魂分开各进食。活者离体出游的魂魄，抢在前者请你伸手拽开独享用，追随后者请你伸腿踢开独享用，伴随旁者请你瞪目斥开独享用。尔等躲在神座后狂食，藏在神枝中畅饮。现在翻转牲尸猛撕咬，扑在尸上狂嚼食；待后撕开左胛狂吞咽，剥下右肋猛吞食。请用荞馍佐牛肉，请用米饭佐肺汤。

[规范12] ꇖꋩꆜꈻ（ꇲꁯꇱꁯ）：ꒌꁨꆽꄚꇗꇱꋯꈌꁮ，ꆀꇱꃼꊈꈌ，ꌕꄡꎤꇉꈌ。ꈁꉆꒌꊂꉆ，ꃅꎝꄹꅪꐊ，ꌦꇱꄀꆂꁌ。ꃅꃴꀋꐋꋊ，ꃅꈌꊂꆀꍸ，ꅔꁌꊂꋝꍸ。ꑍꆏꈨꅍꊨ，ꌋꆏꆪꅍꇚꃼꇯ。ꇺꊂꃪꂇꇁ，ꐴꌠꁧꃼꇯ。ꊈꊂꌐꋧꇁ，ꁍꃴꃅꂸꌦ，ꑗꇱꄚꂸꉪ。ꋊꊂꃤꋧꇁ，ꒆꉘꇁꏮꍸ，ꑭꅑꇁꇬꇽ，ꐱꂪꇁꇉꎤ。ꍸꃅꇁꇈꆏ，ꒌꁨꆽꄚꍂꋒꊰꑋꏻ，ꍸꇈꊰꑋꄜ。ꊂꑲꌠꌕꁌ，ꏃꆀꁒꇁꌦ。꒰ꊂꆂꇁꌦ，ꄮꌕꋩꇁꄮ。ꐥꍂꇱꃅꌅ，ꍂꇽꌠꊂꇈ，ꍂꄏꆀꊂꀺ。ꁵꉬꀊꂵꊈ，ꒆꉬꀉꁌꊈ：ꆍꀐꀊꆨꐥꑋꇲꂸꁮ，ꀃꂱꍫꋠꇁꆏꇲ；ꆍꀐꀊꆨꇱꂸꁮ，ꀃꂱꍫꋠꇁꆏꇱ。ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ， ꆍꀿꇲꁯꆍꇁꉚ，ꆍ꒜ꇱꁯꆍꇁꉚ。ꆍꀿꇲꁯꇐꐥꇈ，ꆍ꒜ꇱꁯꇐꐥꇈ。ꆍꀐꇲꁯꃅꊂꆹ，ꇱꁯꃅꊂꆹꅊꇈ。ꆍꋊꆍꃤꆍꋩꇁꂿꄷ，ꆍꊈꆍꌐꆍꏦꇁꂿꄷ，ꆍꏣꆍꑟꆍꈻꇁꂿꄷ。ꇖꋩꆜꈻꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文12]请魂供灵经：尔格死神降临请魂岭，已故祖妣魂被擒，阻于上苍三天界。亡魂阻留天界里，伴随彩云随处飘，犹似鹫鹰飞在天。欲赎天界魂，人间频施法，原野设法场。昼有日神助，夜有月神帮。神位已设定，神灵已就位。姻亲齐聚集，寨中祭祖灵，田里设祭场。宗族挤一堂，驱逐死病灾，宰牲祭亡灵，储灵于菁洞。如此作之后，请魂岭上慰籍事十二，十二经劝慰。儿孙齐协力，集资祭祖妣。杂色牲成群，献祭祖妣灵。劝灵归祖界，赴宴灵意足，诵经勤供奉。已故的先妣，已故的先祖：尔等过去未得食，今夜尽情地享用。过去心不甘，今夜赴宴则心甘。尔等到达阿尕伙峨、阿尕伙普、三山峰铃、恩木普古时，你父盼你心满归，你母盼你意足回。你父心安归祖盼你归，你母情愿归妣盼你回。尔等心满速归祖，你等意足速归妣。已故宗亲盼望尔等去团聚，已故姻亲盼望尔等去联姻，已故亲友盼望尔等去欢聚。请魂供灵经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范13]ꂿꏃꂿꎭ：꒜ꑭꂿꏃꀕ？꒜ꑭꂿꂸꏃ；ꆗꑭꂿꏃꀕ？ꆗꑭꂿꂸꏃ。ꍂꊂꆀꆳꆹ。ꍂꋒ꒔ꆀꆏ，ꄵꇓꊰꑋꄡ。ꍂꏁꇱꃅꌅ，ꍂꇽꌠꊂꇈ。ꍂꇖꀻꀑꐎ，ꍂꊰꆀꃚꂾ。ꍂꃤꑴꈌꅐ，ꈾꃤꑴꈌꅑꆳꆹ。ꍂꃤꑌꃅꀕ，ꄂꃅꊨꊂꆹ。ꈾꃤꅪꐂꀕ，ꊰꇉꊨꊂꆹꇈꆏ。ꁵꉬꀊꂵꊈ，ꒆꉬꀉꁌꊈ：ꆍꀐꀊꆨꐥꑋꂿꂸꏃ，ꀃꂱꍫꋠꆏꂿꏃ；ꀊꆨꐥꑋꂿꂸꎭ，ꀃꂱꍫꋠꆏꂿꎭ。ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꀿꂿꏃꆍꇁꉚ，ꆍ꒜ꂿꎭꆍꇁꉚ。ꆍꀐꂿꏃꃅꊂꆹ，ꂿꎭꃅꊂꆹꅊꇈ。ꂿꏃꂿꎭꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文13]祭送亡灵经：老人故后送灵否？老人故后尚未送。青年亡后送灵否？青年亡后尚未送。彝寨生凶灾，凶灾堵则止。宇宙十二层，天神主寿限，生灵寿有别。白发者寿终，青壮者损寿。凶祸频频生，凶鬼夺生命。驱逐紫凶灾，遣归九天中。驱逐红凶鬼，阻锁沟谷里。已故的先妣，已故的先祖：尔等过去未享祭，今夜赴宴则享祭。过去未送灵，今夜享祭则送灵。尔等到达阿尕伙峨、阿尕伙普、三山峰岭、祖界仙经时，你父归祖盼你归，你母归妣盼你回。尔等迅速归祖去，迅速归妣去。祭送亡灵经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范14]ꍂꎷꍂꇺ：ꊖꄚꊖꐷꒉ，ꃅꇴꃅꊉꍂ。ꊖꄚꉘꑴꒉ，ꉘꄜꅉꑴꎔ。ꃅꐎꌅꐯꌅ，ꊖꆈꐊꐯꐋ。ꐧꍂꇱꉐꇱ，ꇱꊰꇱꄂꋓ。ꑭꍂꃘꉐꃘ，ꃘꊰꃘꄅꋓ。ꃅꍂꌕꉐꌕ，ꌕꊰꌕꄅꋓ。ꐕꀯꃘꉐꃘ，ꃘꊰꃘꄅꋝ。ꐧꀱꀂꍂꇈ，ꎭꈓꀋꑳꐀ。ꐋꉬ꒔ꊉꃅ，ꋠꃅꀋ꒔ꊉ。ꐧꍂꍗꃅꇈ，ꉘꀋꌕꁧꅪ。ꁧꄂꂸꉬꆏ，ꌿꊂꎺ꒰ꑌ。ꍂꊛꀋꂸꈈ，ꍸꍂꍗꃅꇈ。ꎹꀋꆈꒉꎹ，ꊈꀋꌺꒆꇈ。ꒆꒉꍸꃅꇈ，ꏃꎹꍂꊂꆹꇈꆹ，ꎹꌠꆗꀑꃅ，ꎹꇁꃅꍂꎴ。ꍂꎷꍂꇺꑌ，ꍂꆹꑍꈭꑍꊏꉬ，ꌕꈭꌕꊰꏁ，ꇖꈭꇖꊰꈬ，ꉬꈭꃘꊰ꒔，ꃘꈭꏃꊰꌕ，ꏃꈭꉆꊰꉬ，ꉆꈭꈬꊰꏁ，ꈬꈭꉐꑋꊏ。ꁵꉬꀊꂵꊈ，ꒆꉬꀉꁌꊈ： ꆍꀐꀊꆨꐥꑋꍂꂸꎹ，ꐥꑋꍂꂸꇺ；ꐥꑋꍂꂸꇎ，ꐥꑋꐀꂸꇎ。ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꀿꍂꎷꆍꄉꃯ，ꆍ꒜ꇬꈈꆍꄉꃯ。ꆍꀐꍂꎷꃅꊂꆹ，ꍂꇺꃅꊂꆹꅊꇈ。ꆍꀐꍂꇖꍂꊌꇈ，ꐀꇖꐀꊌꇈ。ꍂꎷꍂꇺꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文14]续寿归祖经：大地广而美，大地寿无限。清气裹大地，气层厚且美。苍天广而白，大地厚且黑。人寿九百九，九百九寿数。亡灵寿六百，六百六寿数。马寿三百三，三百三寿数。兽类寿六百，六百六寿数。人在寿限内，运禄极丰厚。聚友结成群，众人同食宿。人类擅群居，三山无闲地。世间若无山，杉柏无生处。续寿若不牢，物种不复存。江河润大地，生物永兴衰。人类自降生， 寿限有定数。青春有限数，欲增难如愿。人类寿有限，二轮二十五，三轮三十七，四轮四十九，五轮六十一，六轮七十三，七轮八十五，八轮九十七，九轮百二十。已故的先妣，已故的先祖：尔等过去未续寿，生前寿不长。生前命不济，在世命不长。尔等到达阿尕伙峨、阿尕伙普、三山峰岭、恩木普古时，尔父盼你续寿归，尔母盼你续寿回。尔等快去再续寿，尔等快去续生命。尔等必将续得寿，尔等必将延性命。续寿归祖经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范15]ꒆꆳꒆꈩꄜ：ꑭꇈꌠꊂꆂ， ꊿꆳꉘꎜꌺ，ꊿꈤꋧꃅꅪ。ꉘꌋꒉꊂꇱ，ꄜꌋꒉꊂꃏ。ꐎꌀꌠꊂꇱ，꒰ꄟꅑꊂꃏ。ꑭꃅꄂꊂꇱ，ꑮꅊꄂꊂꃏ。ꁉꆩꊂꑲꌋ，꒰ꎧꇯꊂꎷ。ꌕꈎꇖꋒꊈꊂꇁ，ꐎꉒꊈꇁꄵ。ꅻꊫꅻꃱꃰꑭꀮꈌꆗꆹꌦ，ꀍꑊꅪꁧꆧꁨꅂꐛꐎꆹꌦ。ꁵꉬꀊꂵꊈ，ꒆꉬꀉꁌꊈ：ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，ꆍꀿꒆꆳꆍꄉꃯ，ꆍ꒜ꒆꈩꆍꄉꃯ。ꆍꀐꒆꆳꃅꊂꆹ，ꒆꈩꃅꊂꆹꅊꇈ。ꒆꆳꒆꈩꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文15]异地重生经：已故众亡灵，新老常更替，世间无闲地。昊赐阳育神，提赐阴育神。雄身得阳神，雌身获阴神。亡祖得阳神，亡妣获阴神。古时的人类，欲寻生育神。三年寻四次，寻至白云层。亡妣耳饰如雪飘，祖妣容貌似秋月。已故的先妣，已故的先祖：尔等到达阿尕伙峨、阿尕伙普、三山峰岭、恩木普古时，尔父盼你能重生，尔母盼你获新生。尔等定能得重生，安居乐业在祖界。异地重生经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范16]ꇱꆳꃏꎜ：ꀻꑴꌐꇁꉻ，ꇱꊉꋌꇁꐎ，ꃏꊉꋌꇁꄜ。ꋧꅊꌺꊰꑻ，ꊰꑻꇱꊂꌅ，ꊰꑻꃏꊂꃗ；ꇔꆀꌺꊰꑻ，ꊰꑻꇱꊂꌅ，ꊰꑻꃏꊂꃗ；ꀉꄙꌺꊰꑻ，ꊰꑻꇱꊂꌅ，ꊰꑻꃏꊂꃗ；ꐈꀮꌺꊰꑻ， ꊰꑻꇱꊂꌅ，ꊰꑻꃏꊂꃗ。ꇖꊂꆜꇁꇱ，ꆜꊂꊖꆈꃏ。ꃪ꒰ꀘꇁꉼ，꒔ꍸꀁꌺꇱꃅꀿꇁꌦ，ꑍꍸꀁꌺꃅꅪ꒜ꇁꌦ，ꌕꍸꀁꌺꈐꊂꉘ，ꇇꊂꎍꆹꌦ。ꇖꍸꀁꌺꈲꊂꆀꇁꌦ，ꐥꇈꐈꍸꌺ，ꒌꁨꀿꃼꊊ，ꃅꐎꀿꌀꋦꆹꌦ。ꃘꍸꀁꌺꑌ，ꒌꁨ꒜ꃼꊊ，ꊖꆂ꒜ꄟꅑꆹꌦ。ꑭꇈꌠꊂꆂ，ꊰꄂ꒜ꊂꌺ，ꆍꒆꇉꃼꊂ，ꊈꊫꊂꑮꒃ， ꍞꄝꑌꃱꀕ；ꌐꀺꊂꅪꏹ，ꆀꐪꍞꉬꇈ。ꉒꎧꀁꊂꏻ，ꀁꊂꋦꑌꎆ，ꀁꊂꋦꑌꀻ。ꐥꍂꈁꁵꒃ，ꀻꍳꈁꈤꄂ。ꑭꇈꌠꊂꆂ，ꆍꀐꀊꆨꐥꑋꇱꇖꇱꂸꊌ，ꃏꇖꃏꂸꌪ。ꁵꉬꀊꂵꊈ，ꒆꉬꀉꁌꊈ：ꆍꀐꀋꈝꉻꀐ、ꀋꈝꉻꁌ、ꁧꃅꌕꊐ、ꉬꃅꁌꈯꆹꇬꆏ，꒔꒜ꇱꇖꇈꀋꐥ，ꋌꉈꇱꇖꂿꄷꑴ；ꋍꃀꃏꎜꇉꀋꐥ，ꋌꉈꃏꎜꂿꄷꑴ。ꆍꀿꇱꇖꆍꄉꃯ，ꆍ꒜ꃏꌪꆍꄉꃯ。ꁧꂤꑍꂷꇱꇖꑷ，ꎺ꒰ꑍꁧꃏꌪꑷ。ꆍꌺꆍꇖꆍꐮꈌꋩꈌꈿꌠ，ꆍꌠꇱꇖꃏꂠꊂꑲꁵ，ꇱꄳꃏꄳꊂꑲꄂꇁꇈ。ꇱꆳꃏꎜꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇱꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文16]乞赐育神经：循序善诱导，乞赐白阳神，随赐阴育神。远古十仙子，十子主阳神，十子主阴神。尔尼神十子，十子主阳神，十子主阴神。阿堵育十子，十子主阳神，十子主阴神。丘布育十子，十子主阳神，十子主阴神。儿孙获阳神，大地赐阴神。黄鸡祛污秽，一是苍天赐阳神，二是大地赐阴神，三是仪式众主获运禄，财富丰厚家家富。四是众主获得人丁神，儿孙速繁衍，请魂父身壮，白天父护佑。六是众主人，请魂母康健，黑大地庇佑。已故众亡灵，均系母所生。尔等出生后，联姻娶妻妾，姻亲和谐美。开亲嫁淑女，祭祖儿孙旺。美酒祭天神，乞赐生育神，儿孙遍天下。终生心舒畅，创业立家室。已故众亡灵，尔等生前乞赐阳神未曾得，乞赐阴神未曾获。已故的先妣，已故的先祖：尔等到达阿尕伙峨、阿尕伙普、三山峰岭、恩木普古时，过去未得阳育神，往后定能得；过去未获阴育神，往后定能获。尔父已为尔等乞得阳育神，尔母已为尔等乞得阴育神。两座山峰已为尔等乞阳神，两棵杉柏已为尔等乞阴神。请将阴阳生育繁殖神，赐给虔诚祭送尔等的子孙，阴阳育神必将留在人世间。乞赐育神经，不诵则不明。自古祖传孙，父传子至今。后见他人如此用，今由我来告知你。诵经设灵宴，诵经勤供奉。祭词已终结，至此告一段。

[规范17]ꈓꍔꑽꍔ（ꈓꁯꀀꌒ）：ꏃꎸꆹꄚꇮ꒜ꊂꇮꌺ，ꇮꇗꐎꊈꌠ，ꄹꄳꊈꆗꌺ，ꆳꇈꃅꊂꆹ。ꇮ꒜ꆏꇭꀕ，ꂿꃅ꒔ꂓꐊ。ꆳꄳꆏꐦꀕ， ꇮꌺꑋꇭꀕ。ꐈꀮꑭꅪꐊ，ꑭꂓꑭꋩꐊꊂꂓ。ꆀꋚꍈ，ꍫꎧꄐ，ꆀꃅꃢ，ꊈꍸꁧꃴꑌ。ꂓꈤꋌꊂꄉ，ꁧꄮꉘꇁꉆ。ꃱꈐꎆꇁꍃ，ꀂꒌꅑꇁꉆ。ꑭꇈꌠꊂꆂ，ꁸꃅꊂꄹ꒜，ꇴꇐꊂꐥꍂ。ꊈꃅꇁ，ꆫꍸꀺ，ꈜꇁꈴ。ꈓꍔꑽꍔꈨꄜꑋ，ꎧꄉꃪꅪꎆꌠꆍꈨꄜ，ꐆꋆꁵꄿꋖꌠꆍꈨꄜ，ꎧꊰꒊꊞꂋꌠꆍꈨꄜ。ꍔꐎꁯꆮꃰꌠꆍꈨꄜ，ꍔ꒰ꒀꀕꂃꌠꆍꈨꄜ，ꍔꅪꃮꎐꏍꌠꆍꈨꄜ，ꍔꆈꀉꐚꅐꌠꆍꈨꄜ，ꍔꋓꀉꍆꎪꌠꆍꈨꄜ。ꈓꁱꀀꌒꆍꈨꄜ，ꃚꍔꆭꍔꆍꈨꄜ。ꁵꉬꀊꂵꊈ，ꒆꉬꀉꁌꊈ：ꈓꍔꑽꍔꑌ，ꄜꆹꆍꄜꑷ，ꐊꆹꆍꂸꐊ，ꈓꍔꑽꍔꒌꄡꁠ，ꒌꁠꊂꑲꈎꇁꇈ。ꈓꍔꑽꍔꈨꄜꑋ，ꂸꄜꆏꂸꐛ。ꀊꆨꁌꄜꇖꇰꇈ，ꀿꄜꌺꇰꇉ。ꀊꉆꀘꄜꉪꈨꃯ，ꀃꑍꉢꄜꆍꇰꂾ。ꄜꊂꍫꎧꁵ，ꄜꊂꍫꊈꈤ。ꈤꆹꋌꉬꎆ，꒔ꊨꋌꃅꌐ。

[译文17]祭供器皿经：古时祖地神匠众师徒，白发苍苍的老匠，青发健壮的学徒，新老匠人常更替。老匠锤叮铛，艺精美名扬。风箱声隆隆，抡锤响铛铛。丘布祭亡灵，美名传千秋。祭供品，敬美酒，祭亡灵，棚内聚神毕。祭祀复提名，送灵归祖界。驱逐必用牲，招魂设灵宴。已故众亡灵，餐具供灵前，生前尔曾用。结伴行，赶祭牲，上归途。器皿与酒具，灵前酒桶似崖壁，滤嘴森森似矛杆，滤放水酒似瀑布。白碗递酒似蝶舞，黄碗穿梭似滚石，红碗恰似猪牙错，黑碗传递似鸦翅，花碗穿梭似鹊翅者供灵前。餐具器皿已供齐，土碗皮碗供灵前。已故的先妣，已故的先祖：餐具与器皿，虽然供灵前，其魂不可随尔去。餐具器皿之魂莫跟去，跟去之魂必将招回来。供奉器皿经，不诵则不明。自古祖传孙，父传子至今。后见人如此用，今由我来告知你。诵经设灵宴，诵经勤供奉。祭词已终结，至此告一段。