ꏓꄻꃆꂮꉉꀽ

《ꆃꎭꑍꄜ》ꆈꌠꁱꂷꁬꌠꊰꈎꐛꄮꎺꄅꂿꄷꄉ,ꑍꄜꇬ《ꋯꑌ》ꃆꃀꁬꌠꄻꄉꊂ,ꇐꀳꌌꄚꈁꄀꋺꈧꌠꇬꄉꊼꇅꉾꃪꑠ178ꊱꉪꌋꌊꋊꍬꁰꄻꄉꏓꄻꄯꒉꋌꋐꐛꄉꌠꉬ。
《ꋯꑌ》ꋌꁬꄻꄉꊂꆏ,ꊿꇐꀳꁱꌠꐤꅉꀉꑌꑟꃅ,ꂱꑱꐥꐪꇬꄉꇐꀳꀊꏀꆃꎭꃅꄷꎹꉼꍗꑴꉌꊈꐥꀺꌋꆀꐥꇐꐥꀺꋈꄻꌠꇬꀭꄂꑠꁱꌊ《ꋯꑌ》ꇬꄀꋻꀐ。ꇐꀳꋋꈨꋍꑞꋍꑵꐪꇬꄉꀋꃋꋋꄮꎔꃆꃨꐨꇬꎔꇱꃨꄀ,ꆈꌠꉹꁌꉌꃅꑓꌒꄜ,ꐥꐨꉾꃪꌠꍔꆙ,ꊿ“ꑍꑵꐥꀺ”ꋈꄻꅉꇬꄉꄞꅐꃅꌧꐪꇮꐨꌞꅐꌠꍖꀴꑠꀉꄂ。ꇐꀳꋋꈨꉪꏓꄻꌊꄯꒉꋌꋐꐛꄉꏓꄻꅐꌠꆹ,ꆈꌠꌧꃆꁱꀕꋌꃀꑠꐥꀋꋻꃅꀻꎆꆹꀐꌠꑌꇬꅑꎍꌠꉬ。ꉆꋊꇐꀳꁱꌠꐳꃅꀉꑌꑠꁥꐥꇁꀐꌠꑌꄚꄉꄇꇖꀕꀐ。ꆃꎭꊿꊇꇱꋽꄀꎔꇱꌊꀊꅰꃅꎔꃨꈚꐛꇁꎂꀕ!

                                                                           ꌊꄻꌠ
                                                                     1990、10

目 录：略